Vsvng nvmvmwe bv̀nlì tvrà svng shvngbe taqkèní vgám dvzaq shàì
Vsvng nvmvm we tvrà nø vsvng mv̀ngpòng mvdòrì dvhø̀ dvgùng vnǿn dvzv́r we bv̀nlì tvrà tiqlòng ínø̀ mvrà gvbà tiqlòng kugø íe.
Philippine móngdàn Svradorì àngké mvdò CBCP taqkèní gø vsvng nvmvm we bv̀nli tvrà svng vgám dvzaq shìwe ínø̀ welòng tvrà taq cv́ndøng lv́m dvrá rì svng gø dvtú bǿà we íe.
- Online mvdàm Digital kèní vsvngrì kaq nù:vmwe bv̀nlì tvrà rì, cv̀mré rì mvdàm màdvrá we tvrà ku bv̀nlì wa vsvngrì, vsvng nvmvm we vsvngrì nø mvdø̀ng vgám ràwe shìwvt tvrà tiqlòng íráì we dang dvtú bǿà we íe.
Kù:ngà vnǿnwe vsvngrìò dvgùng gùng shvngrì svng tubúm dvbangā lv́m, svmaré rì nvng cv̀mr[e rì kaq roqgvr dvbangā nø vsvng nvmvm we bv̀nlì tvrà svng vgám we tvrà tiqlòng gø íwe svng dvtú we íe.
Wedang rì nvng sing nø paqzí dvkø̀m lv́m, roqgvr dvbang shìlv́m dvzaq shàì. Tuqrawe February 8 ni taq nø mònggv̀n vsvng rì kaq shvniq shvnvr we vsvng nvmvm we tvrà svng vgám we àngni welòng dang vrìng nø paqzí ziwe àngni tiqni gø íe. Wedang nvng singnø nøngmaq tiqgǿ vrv̀m gø dvzaqshì nø tubúm dvbang lúnlv́m dvzaq shàì wanø̀ dvtú mòngkà svng Vatican shvngkà dvp kèní dvtú bǿà we íe.
