Christu o zilvngré ri vjúvl we patzí ri svng cansha:i nø lang shǻ lam gvza v chyak we
Christu o zilvngré Nøngmaq cúnsha:iwe mongan móngdan shvra vram taqø zilangré ri vl:i we svng shvngbe í vshashaq i nø zilangré rio bvnli døngjǻri gø mvring wama ri vram vdong taq gø, svngpan dvci mvdo vram vdong taq gø, mońgdan bvli ri vram, shvngømré vram vdong ri taqø gø vlwe sang shǻlún:ie. Zilangré na tiqgø taq bvnli døngjá tiqpan cegø mvlwe íninø wegønø patiqpan gø katná:m lám mashvla we cún konǻ tiqlong nvng vbońg we íe. 2018 nøng October shvlá taq Sarabín koqkámpe Francis taq kení mongan modan vram taq vlwe sarado kaba ri nvng rungnø zilangré rinvng singwe zupung kaba wa bøa longsang shǻlún shie. Welong zupung yǻng shønwe taq zilangré wa wenø bvnli gvba ri nvng svngpan dvci ri vhǻng lúnlǻm dang taq wǻdǻng o we dø tiqdvchǻ dvdam røn oe.
Mongan zidvng nvng angmaq o lvpat taq wǻmvyø ri longsang wǻlún nowe nvngon kungā vl nø vde mong vde rvgaq sang gx garshi lúno ri íe wanøziangré ri dang nvng sing we lvchøm sang gvl bøa we íe. Vsvng tiq gøo lvpat taq zilangré pat nø vnap vtangwe lvpat inø we lvpat taq døngman we tvra ri taq cúnshi lún lǻm nvng vdeŏ shvngømré vdong taq vdeo mongdǻn mongzxl nø vhǻng lún lǻm bvnli ri taq dvzaq shilún owe íni téwa kømzøpnø vnapwe lvpat wanø shøńlún:ie. Zilangré tiqgx taq jórnvngon vlnø vhǻng lúnlǻm angdēo mangǻ ri vl nø dvzaq sha:i we taq vsvng ri nvng vdu vbong dø vzøm vzap nø dvløt gvzvm we ang pvn pvn taq kení jornø shvlawe bvli risang rvsāng shinø wǻlún lǻm vchyvk e. we døíwe taq angdeŏ vjú dvpat wa dvzaq sha:i we ma:í nø vsvng shngbe o vjú dvpat gø dvzaq shi nø dvdam shǻlǻm gvza vchyvk we íe.
Zilangré lvpat nø Gvray jèjú taq nvgon vl nø angde o vjú dvpat wa dvzaqshi we mø:í nø vshang shangbe dvpat vjú ziwe bvnli ri taq dvzaq shi rawe sang gx sing shǻ rae. Zilangré ri nang singwe Vatican zupung taq shún bøa we zilangré ri nang singwe pvnchyat ri taq deni la zilangré loq loq nø mvjan gvsat we móngdan ri taq ínx tvp rvkol we v høm:oe, Vsangí shvnip we vhøm:oe, nam we vhøm:o nø, vshuq wa dvzvr we vhxmo:e, mashvla we mvdori boqoe, manyam kéo we vhxmo:e. Mvjan dvhøtaqo madvrǻ dø shvnip we vhxmo:e, dang vram kení shvnip we vhømo we svng nønt yol we taq kení Vatican sarado ri zupung taq shǻdv zǻr nø shún bøa we íe. Wewa mataq vde o noqshi we tvra ri dvngnang singnø vsvng í shvnip shvnar nø shat we vhxm:o ri gø gvza vl we sang shalún shie. We dxíwe dvshǻmvhxt ri vdong taq zilangré ri loq loq mvgam mashvla we bvnli ri, vru ra pan ǻ:m aq nx lvpat sxmwe ri, vsak mvhøqo we zilangré ri tiqlvpat tongrung dvzǻr we ri gvza vl longsang gø shǻlún shie. Vsak camwe zilangré camaré ri taq gø camré shvmanģowe HIV/AIDS yóga ri zín kéo we sang gx yǻng shi e.vhǻng:ǻmi we deni pat taqx zilangréri vdong taq Digital Internet paqzí íegxm ke bx shawe dx tiq dvchǻ yalong Internet paqzí taq kení mvshvla we tvra ri sang vyǻ shi lún inø zilangré ri lvpat taq vjúvl we patzí ri sang cansha:i nø lang shǻ lam gvza v chyak we íe wang sorí nvgon zi we shangka sang yayǻng nar oe. Shangbe sang oqa.
