Svrabín koqkam pè Leo (14) vm-aq vnat shi we rvtø Roma Sasvna Shvngømré (Parishes)5Long taq tuq lvm íwe.

Svrabín koqkam Leo (14)nø vm-aq vnvt shi we nàr vrvm taq Roma Sasvna yvng vl we Sasvna (5) long taq dvtuq shì nø Shvngømré vsvngrì nvng vhøm nø Missa kagvp nóng nga lvm íe.Svrabín koqkam pè Leo(14) nø vbá vnvq shi dáng we mepvng íwe February 19 ni(lvbán vbi ni )taq Roma Sasvna me taq vl we Jau ri nvng vhøm lvm í we dang svng Roma Sasvna (Vicariate of Roma ) yvng kení vle:ami we Lvbán taq dvshà bøa we íe.

 Vrà dvshà bøa we taq Svrabín koqkam nø Roma Sasvna mè vdòng yvng vbá we Shvngømré shvngbe dvtuq lvm shøng Shaq e.vm aq vnvq shi we rvtø nár ni vrvm taq Svrabín koqkam pè Leo (14) nø (Eternal City) ò Shvngømré (5) chvng yvng vl Shvngømré Shaq re Shaq ta ri nvng vhøm lvm íwe dang.

“Yalòng Sasvna tvra nø tuq daq bøn e wa nø” Roma Mare ò Cardinal Baldo Reina ígø shøng ne.”We dø írvt Svrabín koqkam pè Leo (14) nø Sasvna waò we zilàngré nvng gø àng mvdo àngmvdo shvngbe nvng vhøm shì lvm íe wa nø shøng noe.

Svrabín koqkam nø Sasvna chøm døngku tiq long nvng tiq dø Missa kagvp nóng nga ya dvq e wa nø gø vru Shaq e.

Dvtuq shì lvm Sasvna ri nø

.15 February 2026 (Ostia Lido taq vl we Holy Mary Queen of Peace)

.22 February 2026 (Castro Pretorio taq vl we Most Sacred Heart of Jesus)

.1 March 2026(Ascension of Our Lord Jesus Christ)

. 8 March 2026 (Our Lady of the Presentation)

. 15 March 2026 (Ponte Mammolo taq vl we Most Sacred Heart of Jesus)

Cardinal ye na í nø “Pope Leo (14) na  vzang Svrabín peò hí mvr svng dep ò nø Vdè ò Sasvna vdòng Noqngøm chøm ri svng tuq ra we íe. Yalòng nø nømaq shvngbe dvpat dvbú lvm Tvra tiq long gø ínø Sasvna Bvnli dang taq té lvm tvra gø íe.

News- Vatican News