Kv́m vsvngrì nø Yesu angrì angrvp í we

Wedvgvp angmè nvng angnv̄m pèla dì ráì nø, chø̀m vngám lap yv́ng rip sórí, Yesu svng go dvzá:ròe. Vsvng loksokrì nø Ang gùrhøm runge. Vsvng rìí Ang svng, “Ku, nvmè nvng nvnvm pèlaí vngámlap yv́ng Nà svng èláe,” a:lòe. Wekvt A:ngí angmaq svng vtà:ngò nø, “Ngà vmè nvng vnvm rì nø kagǿ maq íe?” a:lò dá:ngí, Ang gùrhøm rung rì svng dvjaq sórí A:ngí rá, “Eyv̀ngnøng, ngà vmèmaq nvng Ngà vnvmrì! Gvray nøt cv́n dø̄ng we wegǿ mv̀ng nø Ngà vnvm rì nvng vmè íe,” a:lòe.

Bøng shvng we DuGàmzø ri nvng vl lún shi we de rì de yàng rì nvng vshá vmūn ké ì we nø nøngmaq vsvng rì taq Gvzà dvbù lvm ,nøt shøm lvm lún ni we íe.Í ni gø wedø vdá mvgàm we Dù Gvmzø wá we yà rì nø døn ngvng we møí tiq chàm cē wá íe.We rì mvdvm té døng ngvng nø kvm vm daq we nø koqkvm mvdvm KoqKvm, rvgaq tømò ídvng té shvng be svng pvn mán ò pè dv ciq lvpvt cún shì we ang kang nvng angri angyàng vdù we angnøng nam í lún ì rvt gvzà nøt shøm lvm vlé. Ya lòng lún káng nø kà gø ì gø lún daq we íe.
Í we rá tiq dàng nø Gvray nøt cvn nø Gvray í shangøt dvtú we kà svng lvpvt taq mámbat (1) gvli nø cúnshi lún lvm lòng nø vchvk gvbà íe.Gvray í nøn maq svng lún káng ezí ì nø egō ìe. Angò angcè rì í lvm rvt nøng maq lvp kè ní kàdvng té nøngmaq nøt wā cún Sha ì rì svng chùt gūr ìnø Gvray ang nøt svng cvn lún bø shà ma?. Nøng maq gø vrvm dv dvm shi ra vm Sha . Mòngkà rø ìnø dvtøp Sha ì we í pvlà cē nònggøn lù shi lvm wá ì.