Gvray angcè jøng jøng í yàng shà

Wemèpvng angmaq nø chø̀m svng lò ráì nìnø, angmaqí v́mpà v́m gø mvlú:nò høq, vsvng loksok vrá tiq kvt kø̀m ráì. Ang rvp vsvng rìí yalòng tá bǿà kvt, “Ang nø nøt mvriqá:mì pà íe,” wa nø, Ang svng lùlv́m búngá:mì.

Cvm réri nø zùng kaqdi dvgvp bong mān ce tvrà dí shá òe. Í we zùng yuq bø mepvng nø chøm kaq svng Shaq Shaq wa dvbù we nøtní kv lvng nø lo e. Vlé yvng ìwe cvm ré lvpvt ,zùng màng lvpvt svng vrá dvdvm shìì.
Nøt dvdvm lvm luq we zùng rì bvnli rì kení chøm yvng nām cē wá nār shì lún ni we nø gvzà vpø we íe .Nøng maq ò chùt chvng Kang pè,Kang Yesu dì ya:ng ì we lvpvt tvrà nø vm lvm rvtø gø mvlún ò .Røt shì we ang dang dang nvng nøt taq vlì døng já dvdvm lún rì luq aò we lvpvt íā ya:nga .Ang rvp vsvng rì í ang svng vtō nø noqngøm lvm nøt shvløm nø nònggøn zí we ya rì nø vzvng lvp mòngkà dv shang lvm tvrà dvpvt nònggøn ang shvr lún ò we íe.Dvbù shvng kà dvshvng rì dvpvt nøng maq gø vrvm ò chøm rì nø nār shi nø noqngøm lú shìrà í nø tiq gø tiqdang kèní dvzaq shà ì kvt nø ìshøt lún lvm vl lòng e.
Tábø shà we mòng kà taq mvmvng cáng í Vkang Yesu svng Gvray angcè eíe wá nø vkiq sórí vlò we svng tá lún shi e.Vkang pè í nø ya lòng tvrà svng vsvng rì kaq mv shøn lvm vgám yàngà wa lòng shá shìe .
Nøngmaq svng Gvray í epánì we angò laq mù rì shvng be nø Vkang Yesu ò lvpvt tvrà svng té wa shá lún lvm rvt mòngkà rì í nø dvdvmì dáng í nònggøn lu shi laq lún ì.