Yesuí Galili rvgaq bv̀nlì pà:ngò nø vsvng vbì pè gōò we
Yesuí Galili rvgaq bv̀nlì pà:ngò nø vsvng vbì pè gōò we
Coqcvn (12) pè svng angò bvnlì nvng dvbū shvng mòngkà dvshvnglvm goò nø rvcàngòe. Vsvng tiqgø’ nvng tiqdø vlwe rvtø taq nøt shvlø̀mshú ínìnø nøt byò rà vl dø tiq dvchá nøt mvgø’llvm gø bø’nsháshìe.
Kristu nvng tiqdø vl lvm ínìnø ang nvng nøt shvbóng shvmatshìlvm vchvk dø, a:ngí dvtú shvngøt we mòngkà rìsvng cvnlvm tálvm vchvke. Vrá Kàngpèò mòngkà svng dvshvnglvm gø gvza yat we tvrà tiqpvn íe. Pàwálvm wani nø rvgaq dvpvt Kàngpèò mòngkà nvng tiqdø vzøm vzvplvm kadø gø vrvm màshvla.
Rvcà:ngō vgoshaqrì yahán dilaqshìnrì mvtaq Kàngpè vdùng taq tìløp kámshì lúnbø’shà nøngmaq rvcángcèrì shvngbe Kàngpè Yesu nvng tiqdø vllvm ègobø’shà we íe.
Wervt Kristu vdùng taq tiqdø vlwe nø Kàngpèò mørshvm shvmatshàì nø svkse wáshàì.
