2026 nøng January shvlá dvpvt Svrabín koqkvm pè ò vjúrøt kà

Gvray mòngkà nvng vjúrøt røtshàì we taqkèní pvlàcè nùnggòn lushì lú:nìwe ínø we vjúrøt shàì we vdòng taq shvngømré vháng vlún lvm dang gø røt dvzaq shàì.

Kàngpè Gvray àngò cúnshì we mòngkà nø Yesu Kristu taqkèní gálòng ku tvrà ètóngā ráshà nø chutcháng we tvrà svng góng lún bøshà we tiq dvchá lvpat tvrà taq mòngzøl shømløm we ìshøt jèjú rìsvng gø èzí shà we svng kám vløm shàìe.

Gvray nàtaqkèní shóngwám shìwe tvrà ègoshà we kàshaqrì shvnshér karu ò mvtú lvjøm rì svng gø nøngmaq tiqgø vrvmí síngrvl lúnwe ìshøt jèjú rvwvl nøt svng shèmvnā shà.

Gvray nàò mòngkà rìnø nøngmaqò mvsøn nvrøm vdòng taq kadvgvp gø vshøp nø dø we tvrà svng gálòng zí lúnwe, mvjòr nø kù:ngà vnø:nì rvtø taq kù:ngà èzíì we mòngkà bøn dèzvrāvtshà.

We mòngkà kèní dvbùshvng mòngkà dvsher lúnwe tvrà svng èshøl vtshà.

Gvray nàò mòngkà rìnø shvngbe svng dvbú dvzvr lúnwe mòngkà, dvbùshvng mòngkà kèní mòngzøl we mònggvn svng vrang lúnwe nvng Gvray nànvng vzøm vtoq vtip shì lún we nvng téwa dvshá mvhoq vsvngrì kaq tubúm dvbangā we nøngmaqò mvsøn nvrøm rìsvng dvshvt dvzitā we mòngkà bøn dèzv:rāvtshà. Amen!