Pope Leo XIV nvng Venezuela Nobel gømpaq àngkàng gø nvng vhøm bøì we
18 January 2026Pope Leo XIV nvng Venezuela Nobel gømpaq àngkàng nø móngdàn vgo gø íwe Maria Corina Machado nvng Vatican taq vhøm nø dvmvn bøì wegø íe.
Venezuela Nobel gømpaq àngkàng pè nø Venezuela móngdàn vdòng bønwe móng vsvngrì mvhøt lvm vhømò tvrà rì nvng svngpvn vko vkáng rì vdu vbóng dø dvcøp shvnvp lvm nvng dvsháza bvnlì rì wàlvm dang Pope Leo XIV nvng vtoqshì bøì we svng Vatican shvngkà dvp kèní dvtú bøà we íe.
Wedø ni Venezuela Nobel gømpaq àngkàng pè Maria Corina Machado nø American President Donald trump nvng gø vhøm lvm íwe svng shálún shìe.
Venezuela gømzøpè nø January 3 ni taq vrùra pvn dvrèrì wulaq ku wáshì we dang nvng sing nø tvp bøà mèpvng Delcy Rodríguez taqkèní móngdàn svng øpshøl bøà we íe.
