Lewi gōò we

Yesu nø rá tiq kvt tìnúng shvnvng svng dìá:mì ke, vsvng loksok shvngbe nø Ang yv́ng svng dvkǿmshì ráì rvt nø, A:ngí angmaq svng mvshǿl shvngø:tnòe. Weyv́ng kèní dìá:mì kvt, Alpiu angcè Lewi nø kùyà gúnrà yv́ng rūng da we Yesuí yv̀ng bǿà nø ang svng, “Ngà mèpvng ècv̀n ra,” a:lòe. Wervt Lewi tv̀m búng nø Ang mèpvng cv̀n bǿà.

Wemèpvng, Lewi chø̀m taq v́mpà v́mlv́m Yesu námrung dvgvp, kùyà gú:nò rì nvng mvrà vl vsvng mvme gø, Yesuó Ang coqcv́nrì nvng tiqdø rúng ráì. Kadø íe wani Ang mèpvng cà:nò we vsvng mvme luqe. Ang nø kùyà gú:nò rì nvng mvrà vl rì nvng tiqdø v́mpà vm we svng Farisirì kèní dvrá svrarìí yv̀ng bǿà kvt, angmaqí Ang coqcv́nrì svng, “Ang nø kùyà gú:nò rì ó mvrà vl rì nvng tiqdø vm nø aq nø lvv̄l nìnø; kadø íe?” wa rø:tnòe. Yesuí tá bǿà kvt angmaq svng, “Cìsvra nø shiqshàn vsvngrì dvpvt zǿm mvdv̀ng, za vsvngrì dvpvt wa zǿmdv̀nge. Ngà nø døngman vsvng kaq go nvng dø̀ng dakngà we mø̀í, mvrà vl vsvng kaq go nvng dø̀ng dakngà,” a:lòe.

Ngà mepvng ecvn rà wanø Gvray í goò rvtø taq kù yà gúnpe Matí nø mà dvtiq shì Shaq chàng tvm búng yà:ngì . Lama lā tvn tiqbaq wa cvn lvm íe Kangpe á lā a:lo ni nø Kang Yesu í nø go lvm mv vl long.Angò lún káng svng mà Shv láng Shaq dv chiq shì lún ò rvt rvgaq tømø dvrè rì svng lá dvzaq shì nø na:ngò pè í ni gø dvciq lvpvt Muq làng pø hap svng vdè dvpvt gø dvgá vsvng dvpvt gø ná:ng ò pè íya:ngì.

Lún kvng lún bøi me pvng wá rà rì dvgø lvm mvdvm nø bøn daq ì we lún káng svng tvlú dvdàm inø dvgø shà ì kvt wá lún ìwe lún kvng svng lvng lún lú:ng ìe. Tiq maq nø lún kvng rì lú:nò ni gø tvlú mà dvgø shi rvt cøm we vle.Yadø cøm we nø Muq làng taq lvp vdá lvm svng cøm we íe. Kang Yesu wá we nø shiq shàn rì vsvng dvpvt nø cìsvrà mvrà. Zā vsvng rì dvpvt wa cìsvra nø zøm dvnge wae.
Nga nø døng man vsvng kaq go nvng døng dakngà we møí. Mvrà vl vsvng rì kaq go nvng døng dakngà wa nø Parisi rì svng a:lo we svng tá lún bø shà we íe.