Kàngpè Yesuò 2025 Jubilee nǿng nø vlevm we ínìgø nøngmaq shvngbe nø kámnøt tvrà dvpvt zaqlè vsvngrì wáshì lv́m Pope Leo XVI taqkèní dvkámwe

Svrabín koqkv́mpè Leo XVI taqkèní Jubilee nǿng nø tuqrawe nar (6) taq bevm we ínìgø nøngmaq shvngbe nø kámnøt tvrà dvpvt zaqlè vsvngrì wáshì lv́m dvkv́m we íe.

køqzølrà wawe nø svrenøt vdòg nø kadøgø vl longwe mǿí. Kàngpè Yesu màbáshaq wáshì we kapà tvrà ínìgø vhúng wani ílonge. Yesu Kristu nø vsvng góng svng lushì nø rvgaq mvdàm tuqráì we yv́ngkèní mvrà vl vsvngrì dvpvt gønshaq zíshì nø chutcháng we tvrà svng wáshì bǿì we svng dvdam shàì nø kámnøt tvrà taq àng Gvray dang shvkse wáshì lv́m kadvgvp gø dvzaqshàì.

Yesu Kristu àngyv́ng svng køqzøl shàì. Vsvng lvpat wawe nø nøt køqzøl ra mv-vl we vsvng tiqgø nø gønshaq mv-vl we lvpat vshí nvng vbóng we dang shvdǿm we íe.

Mònggv̀n rvgaq yachàng nvng dvshá mvhoq vsvngrìò rvyù rvyóng we kàshaqrì svng táā ràbǿì. Mònggv̀n rvgaqò pø̀, zaqshøp rì wawe nø vsvng shvngbe dvpvt ínìgø vsvng tiqmvzuqrì cètaqkèní wa vtølvm bǿà we wáshì bǿì.

Gvray àngò pv́nmv́m we tvrà àng mvtú nø vsvng shvngbeò vjú dvpvt íwervt mònggv̀n dvrè rì svng dvbélv́m dvpvt mǿí nø vzìng, vshøt lv́m dvpvt mv̀ng àng shóngwám shìwe íe. Gvray nø lòngzàpè Gvray svng rvgaq mvdàm svng dvzv́rvtnà nø mònggv̀n vsvngrì kaq gø vzìng vshøt lv́m dvpvt shvzatā wegø íe.

Gvray yv́ngsvng koqzøl rà wáshàì nø cúnshì lv́m wàì. Gvray nø mònggv̀n svng øpkáng we Gvray íe wanø Pope Leo XVI taqkèní dvkám we íe.