Pope Leo XIV nvng Israel gvmzøpè Phone nvng vtoqshì bøì we

Sidvni rvgaq taq bøn bøì we mvjàn nvng singnø gø Jú dvcìrì dvhø taq bønwe vzivrùng rì nvng sing nø Pope Leo XIV taqkèní Israel gvmzøpè nvng Phone kèní vtoshì bøì we svng shálún shìe.

December 17 ni Australia móng sidvni myiq taq bøn bøì we Jú dvcìrì kaq vré shìwe tvrà nø mònggvn taq dèni høqshaq Jú dvcìrì svng gvsat we tvrà àngmaq svng mvshóng mvwámshì we tvrà tiqlòng ku íráì we rvt yadang nvng singnø bvttut vgám we svng dvtú bøà we íe.

Vránø mònggvn svng mòngzøl we tvrà svng vrang dvzaqshì lvm nvng svngpvn dvsháza shóngnøt tvrà rì tvsvng tubúm dvbangā we tvrà rì svng wá dvzaqshì ràwe dang dvtú bøà we íe.

We Jú dvcìrì kaq vré shìwe tvrà taq vsvngrì 16 gø lvpat zíshì bøì nø 25 gø nø dammá lún bøà we svng shálún shìe.

Yadø Jú dvcìrì kaq vré shìwe tvrà rì móngdàn vrvm taq àngdang dang kèní bung ráì wervt mòngzøl we tvrà svng vlíng vpo dvzvr lúnlvm dang dvkám bøà we íe.

We shìwvt tvrà dvpvt Pope Leo XIV taqkèní Australia móng sidvni myuq taq vlwe Svrado àngké mvdò svng gø yòr kàru shvri nø vtoshì bøì we svng shálún shìe.