Gvray nø ngør dvgùng nvng di daq e

Kang Yesu nø angí vhøm lvm dvshà mvhøt lòng vzvng kè ní shá yangà.Vsàngí vhøm ìwe dvshà lvm rì nvng Kang Yesu í vhøm ìwe dvshà lvm rì nø dvtóng mà shvlā we íe. Krístu nø shvlá wá yop mvlún shì,vl mvlún shì yàngì. Ang í vhøm lvm dvshà lvm lòng vzvng kè ní shá ò nì gø nām cē wá vl ya:ngì.
(Malaki 4.5-6)Gvray o angni dvgø lvm rvt
kà dvtut shú Elia vrá dì daq lòng tvrà shøn yà:ngà.Elia ò mvdøng døng já nø vsvng kaq mvdè owe taq kè ní Lut shì nø Gvray ì shøt vtō shì lvm rvt íe. Dvzvr Yohán ò mvdøng døng já nø vsvng rì nøt ling shì lvm nvng Gvray nvng vrá tiq kvt shvrvm shará shì nø
chut chvng we lún lvm rvt íe. Oh vpè Gvray nøng maq svng nøt ling dezvr shà nø nà ò shór we mvr detān daq shà.
Lvng døm ang ni taq Gvray nø ngør dvgùng nvng di daq e. Nøng maq lvpvt taq gø pà nøt mà nøt a:li we rvtø taq chvng vnvn didaqe. Nøng maq lvpvt nø Gvray nvng cún shaì kvt wa ang jejú rì dvn vlím nø lvpvt tvrà vnvp lvm vle. Nøngmaq shvng be nø kvm nøt angshí shí lvm rvt Gvray ang nøt cvn ìnø cún shì ràe. Nøng maq svng epán emán da:ngí gō ni tiq høng cē gø cøm mekamì nø eroq egar ìwe Gvray kaq rvtø vrvm aná mvdaq.
Gvray í ezí ìwe shøn lvm nónggøp paq zí rì lá:ng ìnø Gvray ò móng dàn dvpvt tiq nøt tiq móng wá shài wvng nø vring mvyøne e.