Pope Leo XIV taqkèní Camallate Sister zùng svng di nø vriqò we

Pope Leo XIV nø November 30 ni taq Lebanon móngdàn svng dvbùshvng zaqlè wàng vriq nø tuqbøì we 2 ni wani taq Harissa Camellate Sister zùng svng gø dinø vriqò só:rí nonggon ziwe vtoq vtip shìwe bvnlì svng wáshì bøì we svng shálún shìe.

We shvrà taq shvrúngshú shvnvp Sister zùng 2 zùng vlwe ínø we yvngø Gvray dvbùshvng bvnlì taq dvzømshì we vsvngrì shølshú rì nvng vtoq vtip we tvrà wàbøà we svng shálún shìe.

Pope Leo XIV taqkèní àngmaq svng nvnggwòn ziwe mòngkà taq Gvray bvnlì tvrà taq cipshì ràwe, vjúrøt dvzaqshì ràwe nvng Gvray bvnlì tvrà taq lvpat apnúngshì nø dvzaqshì lvm dang kèní dvkám bøà we íe.

Weyvngø vlwe dvzømshú, Sisters rì nvng Mass kàgvp núngwe vjúrøt tvyø svng gø mòngzøl dø wálún bøà we svng shálún shìe.