Gvray nø angò angcø angcē ì svng lvngdøm tiq siq høq shóng shì e.

Lvngdøm angni nø dørøm nvm vlēvm we rvtø ang jøng tuq ra we í rvt , Gvray angnøt íwe vdòng taq í rvt nø svrē vním lvm mv rà wá nø Yesu í shøn yvngà .Wervt lvngdøm angni dvpvt dvgø dcøp shì rà e. Àng nø angò vsvng rì dvpvt møí ni angcø àngce rì dvpvt moqlang móng dàn svng tvlú dvgø ā Shaq íe .
Gvray nø angò angcø angcē ì svng lvngdøm tiq siq høq shóng shì e.Vsvng nø ang taq kè ní vsar we í ni gø zvn dvtut shóng shì we Gvray íe. Vsvng rì nø vdè nøt cvn shì nø mapwe, mvrà rvt dvshá dvré vhøm shì vdù ìe . Gvray í angò Jór nònggùní vsvng kaq chvng we møí .Àngò shóng nøt taq kè ní wā chut chvng we bvnli wà yvngà.
Deni mòngkà taq cil mvzàn rì ,dvkø wangrøm vtit we, Zønli angpvn pvnrì , shá lvm mvshvl pvrá angpvn pvn rì mònggàn taq bønlvm rì dvtānò e. Tiq dvcì nvng tiq dvcì, tiq móngdan nvng tiq møng dàn vshvt kè lōnge.
Zvng vrvm taq nvmnø vnān shi longe. Dvkø Wang røm vtit nø zønli angpvnpvn bøn būng longe . Vháng Muqlàng ramø gø svrē lvm nvng,Shá lvm mvshvl pvrá angpvnpvn bøn daq e wanø nøng maq svng deshat ni we íe .
Vkàng pè Yesu tuq daq we rvtø svng pán vshàt shà ìnø cún shì lún lvm deshat nìe. We rvt nø vnvm vchvng rì Shvngbe e, Lvng døm angni dvpvt tvlú dvgø shi laq lúní wvng nø nòngùn zí nø dv shat mvyøne e.