Catholic Shvngømrérì mvrà vchvng shì we mvtú dāng

Vkàng pè Yesu cún shì we rvtø taq mvrà vl vsvng rì tiq maq svng mvrà raw ā nø ,Àngò coqcvn rì svng gø mvrà raw ā lvm dvkám yvnga .Catholic Shvngømrér gø vrvm nø, ShvrúngShú pé yvng dì ì nø ,Mvrà raw shaì we svng mvrà raw Scramentú wa tø ò we íe .Mvrà raw shi we taq mv døng vchvk we nø mvrà vwáng shì lvm lòng íe. Raw shì bø ìwe mvrà svng mè pvng nø pvttut mvwá lvm nøt rvt shì rae. Lvpvt ang shvr ,Nøt ang shvr wá shì rà e.

Mvrà raw shì bø ì we mvrà tiq maq nø mvrà dàm wáshì nø wa mvrà raw we Jejú lúnì we íe.
Mvrà raw Scramentú kvm shà ì kvt wá mvrà raw Jejú lún nìe. Kà Shvbóng..Vsvng dvrè kø gø nø ang í kø ò we dvrè dvpø nvng vbóng we dvrè tiq lòng lòng ezí bø ò kvt wá mvrà raw jejú vtō lún shì e.
Vkàng pè Yesu tvle Shvrúng shú pè ínømvrà raw shì gø í shøn ò kà rì svng gø shøn mvdaq we cvn shì lvm dvrá vle. We dvrá svng, Confessional zee wá nø tø òe.
Shvrúng shú pè ínø vsvng sàt gø mvrà raw shì we kà svng gvp nap shøn mvdaq we íe.Mvrà rvt nø, Gvray nvng nøng maq vsvr ìe.Mvrà raw shàì kvt wá Gvray nvng tiq kvt rá vcøm vcvp lún ìe.We rvt Catholic Shvngømrér rì ,Mvrà raw Scramentú kàm shì ìwe íe.