Farisirì svng gùngkéò we
31 Vrá Vkàngpèí, “Wedø íni, yamvril cèrì svng Ngàí kapà nvng shvbónglv́m í ma? Angmaq nø kadø vshv́me ma?
32 Angmaq nø, gvttø̀mø̄ rūng taqsórí, angmaq nø angmaq màrīnke nø, ‘Nøngmaqí namaq dvpvt bishūn møtnāì we namaq lemèlv̀mnøng; namaq dvpvt rv̀ngshvng wàì nìgø, namaq lemèngǿnø̀ng nìnø;’ wa, vlv̄n we cv̀mrérì dø vshv́me.
33 Kadø íe wani Tiløp Yohan nø, zidòng gø màvm, bìmtì gø màaqshaq dì ráì nìnø, namaqí, ‘Ang nø cáng zv́ngshìe,’ èwànø̀nge. n
34 Vsvng Angcè Pè nø vm nø aq nø dì daqì nìnø namaqí Ang svng, ‘V́mpà nvng bìmtì mvlá pè; kùyà gúnrì nvng mvrà v̄l rì rv̀mnvng pè,’ èv̄lnø̀nge.
35 Iwe, Gvray zitnøt nø vdū vbóng lòng í we, zitnøt angcèrìí wa dvtān lú:ngòe,” a:lòe.
