Mòngzøl tvrà nø shvnshé:re, majàn møí(Peace is holy, not war’)

Pope Leo XIV taqkèní kámnøt tvrà rìò shølshú vgo rì nvng Community of Sant’Egidio, nøngni nøng vrvm vhøm nø mvngushì we zvpùng taq mvjàn rì svng shvzøm nø mònggvn svng mòngzøl we tvrà kèní vrang lvm tvrà svng dvtú nø vrìng bøà we íe .

Christian, Yuda, Muslim, Buddha, Hindu, nvng dvgá kámnøt tvrà mvdò rìò vgorì nvng vhøm we lìpùngmè taq shvngbe nø àngnvm, àngchvng nøt kèní mònggvn svng mòngzølwe tvrà ku vrang dvzaq shàì wanø dvkám mòngkà dvtú bøà.

“Mònggvn mòngzøl lvm tvrà dvpvt nøngmaq shvngbe nø rvtø vrvm vjúrøt dvzaqshàì nø mvrøt shàìe. Shìwvt àngpvn pvn svng dvcøp lvm dvpvt àng mvtú nø mvjàn lòng kèní lúnshìwe møí tiqgø nvng tiqgø, tiq mvdò nvng tiq mvdò nø tasvng mòngkà taq mvngushì, vrashì nø mvtú lashì wewa døngmvn we mòngzøl lvm tvrà svng tuqlún dvzvr we íe ” wanø dvtú bøà we íe.