Nàò vléshìwe mvrà rì svng kámshì lvm mèsèreni
October 26 ni Svrabín koqkvm Leo XIV taqkèní Parishi vsvngrì nvng kuya gúnvm vsvngrì kà shvbóng kèní shìwà vsvngrì kaq shvdøm mòngkà dvtú bøà we íe.
Pope Leo XIV taqkèní cipshìwe nøt laqyà rìnø døngmvn we tvrà svng tuqlún dvzvr we ínø døngmvn we dòngnøt mvsøn kèní Gvray yvngsvng tvpní dvzaqshì we kuya gún vsvng nø Gvrayí dvsháza mvràchutā we jejú svng vtoshì lúnò we dang kèní dvtú bøà we íe.
Vléshìwe mvrà rì svng mashì we vsvngnø záyv:ngìí vtøp kéò vsvng nvng vbóng we ínø cipshì e nøt kèní døngmvn we tvrà svng vchángshì vsvng mvngnø vdèò záyv:ng dammá svng cì lvjángshì lvm dvpvt vtáshì we nvng vbónge wanø shvdøm we íe.
Rvcángcèrì wawe nø Nàò vléshìwe mvrà rì svng kámshì lvm mèsèreni Gvray yvngkèní dvsháza mvrà chutā we jejú wawe nø cipshì we vsvngrì dvpvt mvng íe wanø shvdøm bøà we íe.
