Wurgang Shvmv’n vjúrøt bóy

Putao Jau Gwørwang me, Pangkai Svra Gai Wang, Namshe Gaw Svra vsing Nisaladi mvring taqø Gvray jèjú í rvt wálún bø’à we Wurgang Shvmv’n vjúrøt bóy svng Putao Jau Gwørwang øp Shvrúngshú pè Fr.John Byin Tu Awng í shøl we vdòng (27-10-2025)ni taq mongzøl dø wálún bø’à.

Wè Nisaladi mvring nø Namshe Gaw Svra vsing kèní yvngò we mvring gø ínø, shvngømré rvzvngce Chøm gung (2) rvp wā vl we mvring gø íe. Vkvtdø Chøm gung (2) rvp wā vl we shvra yv’ng Putao Jau Gwørwang Myoq vdòng vl shvngømré Vshaq pè Joseph Sang Dong søn Døngku, Vshaq pè Peter La Bye Awng Døngku, Vshaq pè Domanic Gala Naw Htoi Døngku, Vshaq pè Peter Nlum Tu nvng Svra gvba Anthony Ban Awng maqí shøl dvnúng nø Pamvra ce wálún bø’a.

Wè mvdvm Namshe Gaw, Nisaladi mvring taq vl shvngømré rvzvngcerì taqkèní Gwørwang øp Fr.John Byin Tu Awng nvng Vlu Angkang rì kaq svng gø Lisu vtóng ‘Zaba’ í dvgùng shvring we gø wa bø’à dang shálúnshìe.