Pope Leo XIV nvng Armenia Gvmzøpè vhøm nø vtoq vtip we

Pope Leo XIV nvng Armenia Gvmzøpè Mr. Nikol Pashinyan nø October 20 ni Vatican móngdàn Svrabín koqkvm róngvtaq vhøm nø vtoq vtip dvmàn we wáshì bøì we svng shálún shìe.

Wedø àngní vhøm we tvyø yaq Armenia móngdàn nvng Vatican móngdàn ò vzøm vzvp we tvrà nø vzàmg kèní shvla we vzøm vzvp tvrà ku v-vl shaq íwe dang, kámnøt tvrà taq gø Armenia móngdàn nø vzvng darì kèní ngàngdøng we kámnøt tvrà svng shvdøng shvngáng shìwe dang vtàn bøà we íe.

Armenia móngdàn vdòng taq vlwe Catholic shvngømré tvrà dang nvng we móngò mòngzøl we tvrà dang rì móng lvmang vchvk we tvrà rì svng vchàng nø vrashì we dang wálún bøà wanø Vatican shvngkà kèní tvnùng bøà we íe.

News- Vatican News