“Namati Jau Gwørwang Mongkà Svra/mè laò Mongkà mv-ngu vjú røt lipong “
Namati Jau Gwørwang taq vl Mongkà Svra/Me laò tiqnøng vdòng Gvray Mongkà mv-ngu Vjú røt Lìpong svng Gwørwang øp Shvrúngshú pè Fr. Peter La Gai Tu Hkawng í shøl we vdòng, Putao St. Anthony Noqngøm Chøm me taqø (15-16,10, 2025)ni døp Mongkà mv-ngu vjú røt lipong svng wa bø’à.
Wè Mongkà mv-ngu vjú røt lipong taq Putao Jau Gwørwang øp Fr. John Byin Tu Awng taqkèní Svra rì kaq svng Gvray Mongkà kèní Pvlàcè kvmnønt nònggùn kūnga zi we, Nønt mvsøn vjang laqyà dvcøp vdv’ngshì nø dvbùshang Sasvna bvnlì taq téwa dvzaq dvkvngshì lvm kūnga zi we wa bø’à.
Wè mèpvng Myanmar Móngdàn Mongzøl lvm nvng Shvngømré Sasvna vháng vlúnlvm dvpvt, Vkangpè Yesu Kàgvp mvrdvng yv’ngø vjú røt we (Blessed sacrament) nvng Vkangpè Yesuò Wurgang tvrà svng vriq nø vjúrøt we (Way of the Cross) , Rosary rø nø vjú røt we wáshì bø’ì. Wè Mongkà mv-ngu Vjú røt lipong taq Svra/me la shvngbe (26) gø’ lúm bø’ì we svng shálúnshìe.
