Wur Gang Mvsvt(Sign Of The Cross)

Catholic shvngøm ré rì Vjúrøt noqngøm ìwe taq nvmlvt nvng langdøm taq Vpè ,Àngcē pè,Shvn shér we Pvla cē bøng vdòng taq
A Men. Wanø vjú røt shì ìwe svng nøng maq í yvng ì we shá ìwe íe. Wùrgáng mvsvt wã shà ìnø Vkàng pè wùr gáng mvdàm gøn Shaq dvbøm shì we nvng ,Vshøm
gø tiq góng Gvray vl we svng Shv døm we ang lvjøm íe.
Wùr gáng mvsvt wá shà ìwe taq lú:n shì we
Jejú rì nø * Gvray kè ní roq gvl we Jejú lú: n ì we nvng dvrè tiq lòng lòng Shv má:n nø dvshèr we Jejú vtō shì lú:n we rvt Catholic
shvngøm ré taq Wùr gáng mvsvt gømlā lá:ng ìwe íe.
AD(144)nøng taq AntiOq myo Shvrúng shú
Pè Saradō Ignatius í nvmlvt lá:ng pvng yvnga.(13) ya mvzuq høq rá ā kvt Pope Innocent (3) í ā kvt lá:ng ìdø Wùr gáng mvsvt
wà lvm shvdøng yàngà.
Dvrè tiq lòng lòng Shv mán ì we rvtø taq shvrúng shúpè í shvmá:n Shaq íwe shànshér we vti svng lá:ng ìwe íe..
Catholic shvngøm ré taq ni vrvm,rvtø vrvm, minøt setkàt vrvm Missa kàgvp nú:ng shì we íe.
Shvrúng shú rì shvngbē tiq ni rvtø taq Missa kvp (1)boq mànú:ng mvdà we íe.
Tiq ni rvtø taq
Missa kà gvp (3)boq nú:ng shì we ang ni rì nø(1)Christmat ni(2)shì rì dvpvt vjúrøt ā we ang ni rì íe.
Tiq ni rvtø taq Missa kàgvp (2)boq nú:ng shì we ang ni rì nø(1)shvn shér we lvbán (4)ni nvng Zun boy ang ni rì íe .
Só svng shvmán we nvng Yesu ò lvng døm dørøm á:mpà á:m boy svng dvdàm shì we
nvng shvn shér we lvbán (4)ni taq gø
Missa (2) boq núng shì we íe.
Zun boy angni (Paska) taq yaq døng rvwè
nvng vshvng rv tø rì taq (2)boq Missa nú: shì we íe .Vrá nø vsvng rì ò Pvlàcè dvpvt nø Lvbán ni taq Missa (1)boq mvdàm nú:ng shì we íe.