Nøt vní nøt vl rì svng vyáshì rà we
Pvlacè dang taq ngàngdøng we nvng vrø vcvtlvm ya vní dang svng nøngmaqí tøpnì tøpwa shvlá mvchàcè sháì ínìnø ka dang svng sererà nø, ka dang svng nø sere mvrà yángshalvm ídaqe.
Rvgaq mvdvmø cúnshì rvtø taq mvngàngdøng we Sha góng vnvplvm dvpvt dvzøpshàìe, vnvplvm dvshvn dvshér shàì dø tvciq lvpat ngàngdøng we Shvnshér Pvlacè dang svng té dvzaqshì rae. Nøngmaq vrø vcvt sháò we Sha góng vnvplvm té dvzaqshì nø dvciq lvpat ngàngdøng we Shvnshér Pvlacè dang nø nvnggùn yú:mì ye.
Rvgaq mvdvmø cúnshì rvtø v’mlvm aqlúnlvm dvpvt wa té mvlòng dvzaq dvkáng shàì nø Pvlacè nvnggùn kánglvm svng nø vnáìe. Wervt Kàngpè Yesuí nøngmaq svng Deni mòngkà taq ka dang svng vyáshìlvm nvng svre ra we svng shvdúm we íe. “Shāgóng svng sha:tnò dá:ngí, vrá pàgø wá mvlú:nò rì svng sère mvrà.
Nøngmaq vgōnī hǿng vrv̀m shvngbe gø vrø̄shaq pè, svng svre rae. Kadø íe wani nøngmaq nø cvkacè mvme go mvdv̀m té vpǿ rvt . Shāgóng Sha:tnò dá:ngí zùpvng svmi móng svng gurlv́m vmíng vkv́ng v̄l pè svng mv̀ng sère rae.
