Nøngmaq bashàrì màbádø Gvrayí chutcháng bvnlì wàlvm møí
Pope Leo XIV taqkèní Australia shvngømré shìwà vsvngrì nvng Domus Australia taq Feast of the Blessed Virgin Mary of the Rosary tiqdø mòngkà mvngushì nø noqngøm we tvyø svng wàbøà.
We shvrà svng 2011 nøng Pope Benedict XVI taqkèní Rome ø Australia shvngømré shìwà vsvngrì dvpvt noqngøm lvm shvrà ku mvsat poqpvngā ráà we íe.
We shvrà Domus Australia taq Pope Leo XIV taqkèní mòngkà kèní nvnggwòn ziwe nvng Jubilee nøng ò bvnlì dvlà rì svng shøn vtà:nò we mvtaq àngmè Mari dang svng gø shøn vtàn bøà we íe.
Gvrayí gvl ráà we kàciqrì gøm rawe dang àngmè mariq kaq dvtit tvle vjúrøt shàì we tvrà kèníwe vlømrà tuqrawe svng dvkám kà shøn vtàn bøà we íe.
Gvray nø kadvgvp gø nøngmaq dvpvt rvtø dvtøm shìwe mvwàò nøngmaq dvpvt nøt tøn nøt yvngwe, kámnøt zángshì lvm dvkám we ínø kadvgvp gø køm zøp we íe wanø shvdøm mòngkà kèní vtàn bøà.
Gvrayí nø nøngmaq svng mvrà døng kèní shèlut ráshà we nvng nøt mvsøn bvngkàrì ètá:nā bøshà wervt àngmè Mari kámshì yv:ngì we kámnøt tvrà dø cvn dvgøm lvm dvkám we íe.
Tìløp kámshàì we tvrà kèní mvrà rì dvshér shàì nø chutcháng we tvrà svng tuqlúmìe wawe St. Augustine ò kà vlwe døni nømaq bashà rvcángcèrì màbáshaq chutcháng we tvrà vl longwe møí wanø shvdøm we íe.
Gvray àngò chutcháng we tvrà taq svdiq døng we, kám vløm shàì we nvng àng jejú rì svng oqà wàì we taqsóríwe tvrà taq dvzaqshì lvm dvkám we íe.
Pope Leo XIV taqkèní Zion cèmè íwe àngmè Mariò kámnøt vjúrøt dvzaqshì we tvrà ku cvndøng dvzaqshì lvm, Gvray nø Abraham nvng àng pvlí pvlaqrì mvdàm kà svdiq døng yv:ngì we tvrà rì svng dvdam shàì we vdòng kámnøt svng shvngáng shìlvm dvkám we íe.
News- Vatican News
Website: rvarawang.org
www.youtube.com/@rvarawang
