Nøngmaqò chøm íwe mònggvn rvgaq svng jøng jøng ni gvr mvkok ìe má?
Pope Leo XIV taqkèní lvngcha nvng singwe lìpùng taq mònggvn móngdàn vrvm kèní kømngøm ráì we shaqré rì kaq svng Nøngmaqò chøm íwe mònggvn rvgaq svng jøng jøng ni gvr mvkok ìe má? Wanø Gvrayí èrøt lú:ngìe wanø shvdøm mòngkà kèní vtàn bøà we íe.
Pope Francis ò dvtú kàru bok Laudato Si (10) nøng gømwe nønggøm lìpùng taq Svrabín koqkvmpè Leo XIV taqkèní Raising Hope wawe kà vgo nvng lìpùng mè taq dvtú mòngkà kèní shøn vtàn bøà.
We mònggvn svng dvtú kàru bok íwe Laudato Si svng oqà wawe nvng we lòng dvtú kàru nø mònggvn døngtáng svng vshèr á:mì nø téwa nøngmaq v:lì we mònggvn rvgaq svng roqgvr mvkok lvm wawe kà vgo kèní mvngu shìwe mvtú gø íe.
Laudato Si dvtú kàru bok yalòng nø tuqrawe mèpvng mèyà rì dvpvt gø vle á:mì we àngcé mvzuq nøng rì høqshaq kømgøm vjú svng dvtúā we kàru mè tiqlòng ni íwe svng vtàn bøà.
Yalòng dvtú kàru nø mònggvn yachvng svng shvnvp we, roqgvr we, toniò dvjà svng roqgvr lvm wawe kàru íwe taq kámnøt tvrà dvpvt gø, móng lvmvng, wulaq tvrà rì dvpvt shvngbe nvng sing we íe wanø shvdøm mòngkà kèní shøn vtàn ráà.
Yadø mònggvn svng shvla we tvrà kaw vlíng vpo dvzvr we nøkámnø tvrà nvng Gvray kaq shóngshì we dvsháza shóngnøt kèní cúnshì lvm tvrà svng dvtúā we íe wanø shvdøm bøà.
COP30 nvng UN móngdàn rìò 2026 nøng lìpùng mè svng dvgø shì we nvng mònggvn vsvngrì dvshà mvhøt vsvngrì yvmbvn vsvngrì nvng rvcángcèrì ò kà rì gø táā lún lvm dvzaqshì ràwe svng gø dvkám ráà.
Nøngmaqò chøm íwe mònggvn rvgaq svng jøng jøng ni gvr mvkok ìe má? Nøng maq vnvm vchvngrì tasvng mvkok kéìe má wanø Gvrayí røtkà èrøt lú:ngìe. Nøngmaqò mvtú, vtán kà nø kadø ílonge má? Wawe røtkà kèní Pope Leo XIV àngò mòngkà làngdøm taq shvdøm mòngkà kèní vtàn bøà we íe.
News- Vatican News
