Mvjàn bønwe mònggvn móngdàrì shvngbe cvn cvn mòngzøl lvm tvrà dvpvt October shvlá taq Rosary vjúrøt lvm Pope Leo XIV taqkèní dvtú kà
Mvjàn bønwe mònggvn móngdàrì shvngbe cvn cvn mòngzøl lvm tvrà dvpvt October shvlá taq Rosary vjúrøt lvm Pope Leo XIV taqkèní dvtú we nvng Mari kaq Rosary vjúrøt dvtit tvle shìwe Jubilee mvsat bóy svng October 11 ni St. Peter noqngøm tøm taq wáshì lvm íwe svng vrìngvtnà.
Catholic shvngømré taqkèní October shvlá nøshvnshér we Rosary vjúrøt shì we shvlá íwe taq mvjàn shìwvt vhømò vsvng rì dvpvt vjúrøt dvbangā lvm tvrà Pope Leo XIV taqkèní shìwà vsvngrì kaq dvkám bøà we íe.
Roma, St. Peter noqngøm tøm taq October 11 ni dørøm 6:00 PM rvtø shìwà vsvngrì køngøm nø mòngzøl lvm tvrà dvpvt vjúrøt lvm ínø shvngømré vsvngrì shvngbe gø October shvlá taq we mvtú dvpvt vjúrøt dvzaqshì lvm dvkám we íe.
Portugal zaqlè vsvngrì nvng vhøm we lìpùng taq gø Pope Leo XIV taqkèní “tasvng shvngo kewe nø gvyaq nø vrøl we tvrà svng bøn dvzvre” wanø vtàn bøà we íe.
Vsvng dvcìrì shvngbe svng gálòng ziwe mvkok dvdí we Yesu Kristu ò shóngnøt svng svkse dvtan ràwe svng gø shvdøm we íe. Mari kaq Rosary vjúrøt shìwe mvsat Jubilee bóy svng October 11 ni kèní 12 ni taq wàlvm íwe svng gø vrìng bøà.
Weni nø 1962 nøng October 11 ni taq Pope St. John (23) taqkèní shøl nø poqpvng ráà we Vatican Council 63 nønggøm àngni gø íe.
