Environmental Science svng Parvt dvtøp v-du mà?
Vpø’ íwe pèmè vnvmchvngmaq, Dèni lvmvng tvyø taq nø, Environmental Science svng Parvt dvtøp v-duè wàwe Kà vgo taqkèní dvtit tvle nø dvshvng mvyø’nge.
Environmental Science svng Parvt dvtøp v-du mà?
Environmental Science svng dvtøp v-du we tvrà rì mvmè vlē.
Wè rì nø nøngmaqò Mònggvn yachang nvng, nøngmaqò vzvng lvp tvrà rì dvpvt gvzà vchvk we mvtú rì íē.
Mvdøng vchvk we mvtú rì nø – nøngmaqò Kurkur nvng sing we banchvk rì síngràl lúnlvm rvt Mònggvn taq bø’nbung we, té vtv’ng nøngmaq shvnvng banchvk rì ( Kà shvbóng- Mònggvn rvgaq yachang nø tiqni tiqni téwa vkatshi we, shigung shøng rì bé lú:ngì we, Toniò shiwvt dàm rì) svng síngràl lúnlvm rvt vchvk lú:ngì. Vrá nø Yalòng banchvk rìo mvtú tvrà rì, Tv’n dvgá ni bø’nbunglvm rì nvng pvrvnàlvm dvla rì svng shálún kvtwā nøngmaqí v-du vbóng, vtuk dø dvnúng nø pvrvnlún lvm vlē.
V-du vbóng vtuk dø pvrvn lún we mvtú rì lá lúnlvm rvt Kurkur taq Toniò banchvk rì svng pvrvnà lúnlvm dvpvt, dvtøp Paqzi àng tvràrì, Hang Paqzi mvkøm mvtøp rì nvng pvrvn dvnúng shì lòng svng lá lúnlvm rvt vchvk lúngì. Wèkvt wā Toniò kurwang svng roqgārshì nø Dø’ngvng dø vháng vlúnlvm lòng svng lá lúnlvm vlē.
“Kurkur svng roqgār lvm bvnlì vdá gø’ i lvm”
Kurkur svng roqgār lvm bvnlì vdá gø’, mongzøngcerì tiqgø’ í lvm vchvkngè. Environmental Science ínø nøngmaq kaq svng kurwang roqgār lvm nvng sing dø mvmè vchvk dø dvnúng lúnlvm rvt dvkv’mè.
Bvnlì vlún vkvng tiqlòng lòng lúnlvm rvt,Toniò kurwang roqgār lvm dang taq bvnlì, vlún vkvng rì mvmè vlē. Environmental Science svng gùn dvtøp shì taqsórí yadang taq bvnlì wàlvm rvt vlún vkvng téwa lúnshìe.
Angdùngce ku èshøn lúngò kvt
Environmental Science nø nøngmaqò Mònggvn nvng nøngmaqò vzvng lvp lvpat dvpvt gvzà vchvk we Paqzi Kàru bok tiqlòng íe. Wervt mashá mvdaq shá ràe, dvtøp ràe, cvnshì ràe, cvnshì taqsórí nøngmaq shvnvng kurwang rì svng mongzøl døce roqgār laqlúnì, shvngbe svng oqā.
