Vsvk svrøngá:mì we shaqré rì svng kupgvr, tubúm dvbangā we nvng vdu vbóng we dvrá uqbvdi gvlā ràwe

Vatican móngdànò krønmvng gvsa taqkèní chømdøngku rì mvng Vsvk svrøngá:mì we shaqré rì svng vpø nø tubúm kupgvrā lvm dang UN svng dvtú nø dvsháza mvdò rì kaq svng gø dvkám bøà we íe.

60 boq waboqò nønggøm UN lìpùng mè taq Svrabín koqkvmpè ò krønmvng gvsa pè Ettore Balestrero taqkèní gø Catholic shvngømré taqkèní dvtú kà íwe Vsvk svrøngá:mì we shaqré rì svng kupgvr, tubúm dvbangā we nvng vdu vbóng we dvrá uqbvdi gvlā lvm wawe kà vgo svng vrá dvtú nø UN shaqré rì kaq shún bøà.

Tuqrawe 20230-2050 nøng dvhø taq vsvk 60 mvdàm íwe shaqré rì shìpvn nø gorø 1.4 billion kèní 2 dvtàng vháng longwe ínø welòng dvjà dvpvt tvlú dvgø shì rà bøì we dang dvkám we íe.

Vsvngrì ò lvpat íwe cvm lvpat svrøng rawe lvpat tvrà, shiqshvn tvrà rì shvngbe nø vsvngrì taqkèní kadøgø vlíng vpo mvlún mvlúnshì mvn dvmøò wur taqwa vlwe mvtú tiqlòng ni íe.

Pope Leo XIV ò krønmvng gvsa pè taqkèní dvtut dvkám we taq Vsvk svrøngá:mì we shaqré rì svng kupgvr we mvwáshì nø gurò we tvrà rì shí màdu we vsvngrì vdè góng vdè shvtshì dvzvr we tvrà rì nø vtang kèní nøt yòl lvm tvrà íwe dang, àngmaq dvpvt vdu vbóng we tubúm kupgvrā lvm uqbvdi rì gvlā nø vsvk vrvm we mèpvng mèyà rìí we døngjá svng ríràwe dang dvkám we íe.

News- Vatican News