Yesu wurgang taq vtaqò we
Yesu Ang wurgang shvnvngø angmè gø, angmè ang nvm mè Klopa ang chø̀mmè Mari gø, Makdala Mari gø ripme. Yesuí angmè nvng Ang shóngshì we coqcv́n pè nø shvnvng yv́ng rip we yv̀ng bǿà kvt, A:ngí angmè svng, “Svmaré mèá, èyà:ngò, nvcèpè,” a:lòe. Wedá:ngí A:ngí coqcv́n wepè svng, “Eyà:ngò, nvmè,” a:lòe. Wervtø̀ kèní Mari svng nø coqcv́n wepèí, ang chø̀m svng shøl bǿà.
Angcø angcèrì té ka nø angmèmaqò Putbøm taqø nítvp dø té lúngì rì wā í rvt Nønt mvsøn gø téwa nítvp è. Angmèmaq gø Bāsha vsvng wā mvtaq Nina rì gø le angcè rì kaq svng ngvnshà rì wur taqkèní lutshìlvm, chutchvng lvm àngmaqò gønshaq svng gø vpnóngshì lúnòe. Dèni Gvray angmè Vmè Maria ínø Angcè pè kaq svng chutchvng mvlúnò we íni gø Wurgang tvrà taq Nvmlat, lvngdøm lúm bø’ì nø Wurgang tøng lvngpvnghøqshaq vlā lún bø’à. Bø’n daqni Angcè pè tvle Angni gønshaq dvbø’mshì mvyø’nge, wàwe Vmè Maria ò Nønt mvsøn vdòng taq jø’ngjøngni vlē.
Angcè pè dvpvt gø Gønshaq Gwin vbá e walòng svng shálúnò dvgvp Nønt mvsøn kūnga lúnò lòng nø jø’ngjøngni íe. Dèni nøngmaq taqø Angde nvng angde angmèmaq dvhø yv’ng vl shóngnønt dvrá rì svng vrá tiqkvt dvdvmì nø vtoshàì. Muqlang taqlapmò Vmè Maria taqkèní shvbóng shvmvtshì laqlúnì. Muqlang taqlapmò Vmè Maria kaq svng vpø’ shvring íni dvshá zā røtnímshì laqlúnì.
