Nv̀mbø̀ng mvrù mut rā ke Yehowa shaq táshì we Dawi Shvgùn Zàywà
Nv̀mbø̀ng mvrù mut rā ke Yehowa shaq táshì we Dawi Shvgùn Zàywà
Ngø̀r dvgùng nvng jórnònggùn nø Yehowa svng ènúnganø̀ng. Nònggùn jòr pè angcèrì* namaqé, Gvray svng ni ènúngānø̀ng. GvrayAng bø̀ng svng zí vdū we ngø̀r dvgùng nø, Gvray svng ènúngānø̀ng. Shànshér we gwálv́m ègwāshìnø̀ng sórí, Gvray svng ènoqnøng.
Gvray Ang kà shaq nø nvmukdvra tì mvdv̀m dvhøq bǿà. Pòngbàng ngø̀rpè Gvray nø muq dø̄ gø̀me.Gvray Ang ni nvmukdvra tì gwaqlàng mvdv̀mø muq dø̄ gø̀me. Gvray Ang kà shaq nø, jórnònggùn v̄le. Yehowa Ang kà shø̀n we nø, ring nø ngø̀re.Gvray Ang kàshaqí tvnø̀n shǿngrì giqòe. Jø̀ngjǿng, Yehowaí Lebanon tvnø̀n shǿngrì gvyø:pmòe. Lebanon shigùng svng nø A:ngí nungwàcè dø jut dvzá:ròe. Sirion mvrùl svng gø poqlv́m ngvrv̀m dø jv́ng dvzá:ròe. Gvray Ang kà shaqí muqcøn còngmè vlapshì dvzá:ròe.
Gvray Ang kàshaqí zømwàng vnā:nòe. Yehowaí Kadesh zømwàng rvgaq svng vyø̄:lòe. Gvray Ang kàshaqí shvtnga svng angcè shøq dvzá:ròe. Mvlø̀ngrì gø chatchat vshvp dvzá:ròe. Ang shànshér tø̀ngnø taq v̄l dv̄ngteí gø, “Pòngbàng ngø̀re,” wa dvsha:ngòe. Gvray nø tìnv̀m dvzø̀:rò dvgvp gø, Ang rúngtv̀ng taq Koqkv́m wáshì yà:ngì. Jø̀ngjǿng, Gvray nø Ang rúngtv̀ng taq, dvciq lvpat Koqkv́m wáshìe. h 11Gvrayí Ang bashàrì svng nònggùn zí daqòe. Gvrayí Ang bashàrì svng mòngzø̀llòng shvmánā daqòe.
