“Svrabín Koqkvm Leo (14) í nø dvshá hot vsvngrì nvng v-yv’ng shaqnar vmlvm dang”
“Svrabín Koqkvm Leo (14) í nø dvshá hot vsvngrì nvng v-yv’ng shaqnar vmlvm dang”
Wè Shvngkà dvkang bø’à mèpvng ngvmshì Shvngkà svng Nár vbi ni taq vrá dvkang lú:ngà. Wè mèpvng Svrabín Koqkvm í nø Borgo Laudato Si’ wā bøng vzí shaq í we Toniò kurwang roqgār we kurwang svng vriq lvm í bø’ì. Svrabín Koqkvm nø wè shvra yv’ngø dvshá hot vsvngrì nvng tiqdø v-yv’ng shaqnar Vmpa vmlvm i bø’ì.
Svrabín Koqkvm nvng dvshá hot vsvngrìo v-yv’ng shaqnar svng Svrabín Koqkvmò Wur lvngpvng taq vl dvshá zā tùbùm dvzømshú mvdò rúng taqkèní dvnúng shì nø wáshì we í dang, wè mvdò nø roqgārshì kurwang svng vzòngò mvdò gø i dang, Svrabín Koqkvm nvng v-yv’ng mvlùng shaqnar vmlvm rì nø Gaíchuk Svrado pè, dvshá zā mvkok dvdí tùbùm mvdò nvng Sasvna kèní tùbùm kupgār vzúngshì rì yv’ngkèní go rø (100) gø’ vbá nø lúmlvm i bø’ì.
