“Svrabín Koqkvm nø Jubilee Noqngøm vjúrøtshì dì lúngì we Tong rùng vsvngrì kaq vtō nø vhøm we “

Svrabín Koqkvm nø vle a:mì we Nár vbi ni taq Italy móngdàn, Pine’s myoq Santa Maria Maggiore Tong Chøm yv’ngkèní tong rung vsvng (3) gø’ kaq vtō nø vhøm bø’i. Ya tong rung vsvng (3) gø’ nø Angwa vjúrøtshì mvdò rì nvng tiqdø dí lúngì lòng íe.

Vjúrøt shì mvdò kaq Gaíchuk Svrado pè. Francesco Moraglia, Tong rùng vsvngrìo Pvlàcè bvnlì angkang Shvrúngshú pè. Massimo Cadamuro nvng Gaíchuk Sasvnaò bvnlì wà dvzømshú rì í dvnùngòe. Ya vjúrøt shì mvdò nø (500) kilomiter vrúm vcar we àngdeò Myoq rvgaq yv’ngkèní Svmi Chøm zúnshì nø dì rá ì mèpvng Roma Myoq nvng kilomiter (100) dv’ngte vcar we Terni kèní Roma Myoq høq Hí tvrà ku dì nø noqngøm vjúrøt shì bø’ì.

Tong rùng vsvngrì vkvtdø Jubilee nøng taq Gvray kaq Noqngøm vjúrøt lúnò lòng nø Jubilee nøngò mvnggá gvlshì dø vsvng vrvmò lvpat taqø Shiwvt Mvra dam nvng Pvlàcè Mvra dam taqkèní lutshì lúnlvm vlømshì ra zíshì lòng i dang, yalòng Vjúrøt Noqngøm bvnlì wáshì lòngí Lvpatnò mvnggá, vlømshì ra, zidvng àng dvpø’ kvmnønt vháng vlún dang, Shvrúngshú pè Massimocadamuru í shø’n bø’à.

Gvray gvsang kaq Noqngøm vjúrøt we lvngdøm taq Tong rùng vsvngrì yv’ngkèní Svrabín Koqkvm nvng vhø’m mvyø’ dang vlún vkvng shvlá lún nø Svrabín Koqkvm í dvbù Nøntní Pamvra wā vtō bø’à rvt gvzà dvbù Nøntshøm kūnga lúnò dang, vkvtdø Angwa shvngømré rvzvngcerì nvng tiqdø tong rung vsvngrì kaq Noqngøm vjúrøt rvtø zíshì lòng nø tong rung vsvngrì mvdvm Mònggvn nvng vcar we mø-í lvm v-toq v-tìp nítvp lún dvzvrè. Tong rung vsvngrì kaq svng tùbùm dvbvng roqgār shì lòng nø Pines Gaíchuk Sasvnaò dvbùshang Sasvna bvnlì tiqlòng íe. Gaíchuk Svrado pè shøn we taq Tong rùng vsvngrì Mvra vdòng yv’ngkèní lutshì rà dvgvp Angwa vsvngrì nvng mà car lvm dvpvt roqgārà nø mongzøngcerì nvng v-toq v-tìp dvman lúnlvm rvt, Dvrá vji rúng Italy Wunjichuk nvng gø vhø’m nø vrashì taqsórí dvman bø’ì.