Yesuí vdè wurgang baqshi sórí Ngà mèpvng laq cv̀n ra we
Nøngmaq rvcángcèrìò Pvlacè shvmán jejú gømpaq dang vsvng tiqgø’ nvng tiqgø’ nø mabúng. Dvshà lvm vhømshì rā rvtø taq nønt madat dvzaq dvkáng shàì we ínìnø kámnøt tvrà dang kømzøp we shvmán jejú gømpaq nø tiqciq lvpat gømpaq vtolúnlvm ídaqe.
Deni mòngkà taq Kàngpè Yesuí Ang coqcv́nrì svng a:lò we nø, “Ngà mèpvng cv́n mvyǿ we kagǿ gø, vdè svng ngálshi nø, vdè wurgang baqshi sórí Ngà mèpvng laq cv̀n ra. Vdè gø̀nshaq mvpáshi gǿ nø, gø̀nshaq vmvngvme. Iwe Ngà dvpvt rvtnø gø̀nshaq vmvng gǿí mv̀ng nø, gø̀nshaq lá lún lú:ngòe. Nøngmaq gø’ vrvm dvpvt vchvk mvdøng dvdvmshìlvm dang nø, nøngmaq cúnshàì wenø vdè dvpvt màdvdvmshaq Kàngpè dvpat cúnshì lvm røtkà íe, na, ngà í, kadø vtànglvm dvdvmlvm waì.
