Yesu nvng Piter
Yn 21:15-19
Dèniò Gvray mòngkà taq Yesu svng Dvzv́r Piter shóngshì we dang yv́nglún shìwe íe. Mòngkà taqø Yesuí Piter svng “Yohan angcè Simoná, yarì mvdv̀mø té ngà svng nà èshóngshìe ma?” Wanø vshø̀m boq røt:nòe.
Wedø røtkà lòng svng mvdàm rvm kèní dèdamvt nò kvgvp røtlv́m yùl we ínìgø vrá vtàn:ò gø dvpvt nø yvk we røt kà tiqlòng ni íe. Wedø íwe røt kà svng la Yesuí nøngmaq kaq svng èrøtvtnì dvgvp kadøwa la vtàn lú:ngì nimá? Nøngmaqí dvdam dvtøp shìlv́m tvrà tiqlòng ni íe.
Kàngpè Yesu shø̀nwe taq Piter gø vsv̀ngrì yv́ng kèní bashà vsv̀ng tiqgǿ ni íe. Wervtnø̀ kù:ngà vnǿnwe tvrà nø ni dvvl walòng svng àngí síngsháāò we gø íe.
Wedøni Piterí vtàn ráà we taqgø Yesu nø pàgø wádá:ngò pè, dvsháza shóngnøt dàn zø̀ngpè íwe svng sháò wervt Yesu svng shóngshø̀nge wawe vtán kà kàciq svng zíò wegø íe. Àng taqø kù:ngà vnǿn we tvrà vlwe ínìgø àngí Yesu svng vtàn bǿà we kàciq lòng døni àngò Shølshú svrapè íwe Yesu kaqsvng àng tiqlvpat shóngshì nøt kèní àngò laqyà rì svng cvnshì nø Yesu àng dang svng shvkse wáshì ráì wegø íe.
Piter nø Yesu dang shvkse wáshì taqsórí àng gønshaq zíshì høqshaq dvzaq dvkángshì ráì wervt shv̀nshér vsvng wawe shémo lòng svng gø vtoshì lún ráà we íe. Wedøni nøngmaq shvngbe gø Yesu mèpvng cv:nì we tvrà taq Piter døni Yesu Kristu svng shóngshì nø noqngø̀m we taqsórí àngmè pvng cvnwe cvnshú shvlá rì bǿnlún høq dvzaq dvkáng shìlv́m waì.
