Yaku ó Yohan dvgùng láshì we
Deni Mati dvbū shvng mòngkà taq Yaku nvng Yohan angmè nø angcè pèní dvpvt Kàngpè Yesu svng ngǿmshi noqò we nø Nà vbàng pā tiq pè, vgwé pa tiq pè rúnglv́m vyā èzǿngāngà,” wa røtshìe. Yadang nø nøngmaq mònggvn vsvngrìò vdè lúnmvyø’ we laqyā íshàe. Rúngtvng vyā lún mvyø’ tøl mvyø’e.
Angmè mvdøngrì nø vdèò angcø’ angcèrì svng mvgø zúnshì nø vshuqrìí roqgvl we svng yvng mvyø’e. Kagø’í gø mvgø høí, lvmò nø gømra høí pvlaqò we svng nø yvng mvneshàì. Ya shvrà taq Angmèò shóngnøt rvt íma, vdèò mapnøt rvt íma, āna bāwā vyā rúngtvng lún mvyø’ tøl mvyø’ rì nø dvru kéò vsvngrì íe. Vkvtdø āna bāwā vyā rìsvng wa nøtmap vsvngrì dvpvt nø mòngzøl lvm mv-vl.
Jøngjø’ng nøtshvla vsvngrì dvpvt rúngtvng vyā rìnø dvzømshú mvng íe. Shóngnøt nvng vsvng vrvm dvpvt bvnlì dvzømlúnò rvt angnø shølshú shvlá íàìe. Vdè dvpvt wáshì dvdvmshì we shølshú nø mvdvmø dvtúshì shaqrérì nvng vzivrung vsvr sháshìe. Vdè dvpvt màdvdvmshaq vsvng vrvm dvpvt vchvk mvdøng dvzømshú mvng Kàngpè Yesuò nøt nvng vbúng nø Muqlvng móngdan pøhvp nvng sing we shølshú shvlá íe. Wervt dvzømshú mvng nø tévtvng we bvnlì angkàng døngmvn tvrà shølshú íe.
