” Svrabín Koqkvm Leo XIV Ukraine móngdàn Kharkiv mvringò Døngku vsvngrì kaq svng mvzv’ng zíò we “
Svrabín Koqkvm Leo XIV yv’ngkèní Dicastery ku tvleshì we Vlu gvmsung rì svng bū:m dàm vhø’m bø’à we Ukraine móngdàn Staryi Saltiv mvring nvng Shevchenkove wamà rì taq vl we vsvngrì kaq tvlēòe. Vrá nø, Thaiwan móngdàn taq Danas nvmbøng mvru me rvt dvshà mvhøt vhø’mò rì kaq svng gø, Dìngman we dvshá zā tùbùm dvbvng mvdò kèní dvbvngà lvm rvt Svrabín Koqkvm kèní røtnímshì bø’ì.
” Svrabín Koqkvm í nø, tiqdvshaqí wáālvm rvt shø’nè” wā tùbùm dvbvng lvm dang nvng singdø, Svrabín Koqkvm nvng v-toq v-tìp dvman dvgvp, shøn we lòng svng Cardinal Konrad Krajewski ínø, Vatican shvngkà dvp svng shønòe. Vrá nø “(Charity) dvshá zā shóngnønt nø Ka dvgvp gø narshì rvtø mv-cāò.” wā Cardinal í vpø’ shvring nø shøn bø’ì. Dvgá dø tùbùm dvbvng mvdò rì taqkèní gø, tùbùm dvbvng kv-rvnà we mv-wàò nø, Cil mvzvn vdòng yv’ngkèní lutshì we Døngku vsvngrì shvngbe kaq chvk wā, tuqlúnhøq zíò lòng svng yv’nglúnshìe.
Vm-aq lvm shvdek múng rì taq, Ukraine nvng Italian kà pvn ku ” Svrabín Koqkvm Leo XIV Kharkiv mvring vsvngrì dvpvt zíò we gønpaq ” wā vrù lòng svng yv’nglúnshìe. Svrabín Koqkvm Leo XIV gø, Àng vzàng kaq Svrabín Koqkvm Francis dø, dvshà mvhøt yvklvm vhø’mò vsvngrì svng maná dang svng yv’nglúnshì rvt vsvng shvngbe ígø dvbù Nøntshøm nønt byō lúnòe.
