Svrabín koqkámpè Francis Singapore móngdàn svng dilv́m íwe zaqlè tvrà taq lvpat tébǿì we shaqré rì svng vcù:ngò we ràlàng dvp nvng Catholic Junior colleague shvrà rì svng dinø̀ vriq lv́m íwe
Svrabín koqkámpè Francis Singapore móngdàn svng dilv́m íwe zaqlè tvrà taq lvpat tébǿì we shaqré rì svng vcù:ngò we ràlàng dvp nvng Catholic Junior colleague shvrà rì svng dinø̀ vriq lv́m íwe
Svrabín koqkámpè Francis nø September 3-13 ni høqshaq dvbùshvng zaqlè tvrà dìlv́m dvgǿ shaq íbǿì we dang dvtú lú:ngà wegø íe.
Welòng zaqlè tvrà nø “Asia-Pacific” dvbùshvng zaqlè tvrà wawe kà vgo taqkèní íe. Pàwálv́m wani nø Svrabín koqkámpè Francis nø September 3-6 høq Indonesia, September 6-9 ni høq Babua Newkini, September 9-11 ni høqshaq Nv̀msvr Timo móngdàn nvng Singapore móngdàn rì svng dvbùshvng zaqlè tvrà ngangvm wegø íe.
September 9-13 ni 3 lvbán rvtø̀ vdòng taqø Pope Francis nø St. Teresa vbat svrǿng bǿì we shaqré vsù:ng shvrà tiqlòng íwe ràlàng dvp svng gø Catholic Junior Colleague shvrà rì svng gø vriq nø yv̀ngbǿò we íe.
Svrabín koqkámpè nø Singapore móngdàn ò President Tharman Shanmugaratnam nvng gø we móngdàn ò vsúyaq vgo íwe Lawrence Wong nvng gø vhøm lv́m íwe dang shálún shìe.
We tìyø rìnvng singnø̀ Svrabín koqkámpè nø September 11 ni taq Singapore móngsvng tuqvm we ínø̀ Singapore móngdàn taq vlwe Jesuit shvrúngshú ri nvng Xavier Retreat Center taqø vhøm lv́m íwe íe.
Wemèpvng ni taqnø Svrabín Francis kaqsvng Baliman róng taqø Svrabín koqkámpè svng vto lv́m tìyø svng dìlv́m ínø̀ we tiyø taq móngdàn vsúyaq vgo rì nvng gø vhøm lv́m ílonge. Wemèpvng September 12 ni rvtø̀ 5:15 PM taq nø Singapore móngò shiwà chø̀m tø̀ngnø taq Missa vjúrøt tiyø svng wàlv́m ílonge.
Lvpat vsvk tébǿì we shaqré rì svng vcù:ngò shvrà St. Teresa ràlàng dvp nvng Catholic Junior Colleague svng nø September 13 ni taq vriq bǿò we íe.
Svrabín koqkámpè St. John Paul (II) nø Singapore móngdàn svng 1986 nǿng taq rvtø̀ 5 nari zaqlè wàng vriqwe wáshì yv̀ngì. We zaqlè tvrà nø Bangladesh, Newziland nvng Australia móngdàn rì svng vriq yv̀ngà we íe. We dvbùshvng zaqlè tvrà svng gø “Asia-Pacific” wanø̀ kà vgo kèní wáshì yv̀ngì wegø íe.
Yaboq Pope Francis ò zaqlè tvrà nø 1 shvlá høqshaq rvtø̀ naqwe zaqlè tvrà ílongnø̀ lvpat 87 nǿng gømbǿì we Svrabín koqkámpè àngdvpat nø gvzani rvtø̀ yvngwe zaqlè tvrà gø ílonge. Pope Francis nø hípøt, híciq zawe vna nvng svyømè ngéshì bǿì we rvtø̀ mèpvng kaqnø rúngdang lìng kèní wa dì bǿì we íe.
Svrabín koqkámpè Francis nø vbat vsvk svrǿng lú:ngì we ínìgø mànvr nvr dvbùshvng bv̀nlì taq dvzaq dvkángshì we gø íe. Àngtaqkèní lvbán ni vyv́ng nv̀mjàng rvtø̀ vrv̀m St. Peter noqngø̀m tø̀m taqø rvcángcè rì nvng vhøm mvngushì we ngoqngø̀m tiyø svng màdat wálúnò wegø íe.
Yaboqò dvbùshvng zaqlè tvrà nø Svrabín koqkámpè àng 2013 nǿng kèní Svrabín koqkám vya svng vtoshì bǿì mèpvng rvtø̀ yvng vtang zaqlè tvrà diwe boqgø ílongwe íe. taq lvpat tébǿì we shaqré rì svng vcù:ngò we ràlàng dvp nvng Catholic Junior colleague shvrà rì svng dinø̀ vriq lv́m íwe
Svrabín koqkámpè Francis nø September 3-13 ni høqshaq dvbùshvng zaqlè tvrà dìlv́m dvgǿ shaq íbǿì we dang dvtú lú:ngà wegø íe.
Welòng zaqlè tvrà nø “Asia-Pacific” dvbùshvng zaqlè tvrà wawe kà vgo taqkèní íe. Pàwálv́m wani nø Svrabín koqkámpè Francis nø September 3-6 høq Indonesia, September 6-9 ni høq Babua Newkini, September 9-11 ni høqshaq Nv̀msvr Timo móngdàn nvng Singapore móngdàn rì svng dvbùshvng zaqlè tvrà ngangvm wegø íe.
September 9-13 ni 3 lvbán rvtø̀ vdòng taqø Pope Francis nø St. Teresa vbat svrǿng bǿì we shaqré vsù:ng shvrà tiqlòng íwe ràlàng dvp svng gø Catholic Junior Colleague shvrà rì svng gø vriq nø yv̀ngbǿò we íe.
Svrabín koqkámpè nø Singapore móngdàn ò President Tharman Shanmugaratnam nvng gø we móngdàn ò vsúyaq vgo íwe Lawrence Wong nvng gø vhøm lv́m íwe dang shálún shìe.
We tìyø rìnvng singnø̀ Svrabín koqkámpè nø September 11 ni taq Singapore móngsvng tuqvm we ínø̀ Singapore móngdàn taq vlwe Jesuit shvrúngshú ri nvng Xavier Retreat Center taqø vhøm lv́m íwe íe.
Wemèpvng ni taqnø Svrabín Francis kaqsvng Baliman róng taqø Svrabín koqkámpè svng vto lv́m tìyø svng dìlv́m ínø̀ we tiyø taq móngdàn vsúyaq vgo rì nvng gø vhøm lv́m ílonge. Wemèpvng September 12 ni rvtø̀ 5:15 PM taq nø Singapore móngò shiwà chø̀m tø̀ngnø taq Missa vjúrøt tiyø svng wàlv́m ílonge.
Lvpat vsvk tébǿì we shaqré rì svng vcù:ngò shvrà St. Teresa ràlàng dvp nvng Catholic Junior Colleague svng nø September 13 ni taq vriq bǿò we íe.
Svrabín koqkámpè St. John Paul (II) nø Singapore móngdàn svng 1986 nǿng taq rvtø̀ 5 nari zaqlè wàng vriqwe wáshì yv̀ngì. We zaqlè tvrà nø Bangladesh, Newziland nvng Australia móngdàn rì svng vriq yv̀ngà we íe. We dvbùshvng zaqlè tvrà svng gø “Asia-Pacific” wanø̀ kà vgo kèní wáshì yv̀ngì wegø íe.
Yaboq Pope Francis ò zaqlè tvrà nø 1 shvlá høqshaq rvtø̀ naqwe zaqlè tvrà ílongnø̀ lvpat 87 nǿng gømbǿì we Svrabín koqkámpè àngdvpat nø gvzani rvtø̀ yvngwe zaqlè tvrà gø ílonge. Pope Francis nø hípøt, híciq zawe vna nvng svyømè ngéshì bǿì we rvtø̀ mèpvng kaqnø rúngdang lìng kèní wa dì bǿì we íe.
Svrabín koqkámpè Francis nø vbat vsvk svrǿng lú:ngì we ínìgø mànvr nvr dvbùshvng bv̀nlì taq dvzaq dvkángshì we gø íe. Àngtaqkèní lvbán ni vyv́ng nv̀mjàng rvtø̀ vrv̀m St. Peter noqngø̀m tø̀m taqø rvcángcè rì nvng vhøm mvngushì we ngoqngø̀m tiyø svng màdat wálúnò wegø íe.
Yaboqò dvbùshvng zaqlè tvrà nø Svrabín koqkámpè àng 2013 nǿng kèní Svrabín koqkám vya svng vtoshì bǿì mèpvng rvtø̀ yvng vtang zaqlè tvrà diwe boqgø ílongwe íe.
Sources- Vatican
Gregory
