Yh 17:20-26

Kristu vdòng taq shóngshø̀ngwe pè, mè vnvm vchvng maq dèniò dvbù shvng mòngkà taq Kristu àng bø̀ngkèní Gvray kaq kámwe vsv̀ngrì shvngbe nø tiqnøt tiqmòng wáshì nø v̀l lv́m dvpvt lòngzàpè Yesu svng Kàngpè Gvrayí dvzv́r vtnà we dang dèniò mòngkà taq yv́nglún shìwe íe.

Rvgaq mvdàm taq vlwe Gvray kaq noqkám we vsv̀ngrì shvngbe dvpvt lòngzàpè Yesu taqkèní Kàngpè Gvray yv́ng svng dvtit tvle vjúèrøtā ráshà we ie. Wedø Lòngzàpè Yesu rvt Kàngpè Gvray yv́ngkèní dvsháza shóngnøt rì vtoshì lúnì wedø àngò dvbùshvng bv̀nlì rì mvdàm nøngmaqò jànglaqyà shvlá rì taqkèní gø sakse wáshàì nø mònggv̀n svng shvnvp ràì we íe.

Mabóng we nøngmaq tiqgǿ vrvm taqò síngrál nøt, rvwvl nøt, zitnøt rì nvng dvdam nøt rì, tóng laqyà rì v̀:lì we ínìgø we vshø̀m gǿ tiqgóng Gvray àng mv́r taq shvngbe nø tiqpv̀n vsv̀ng wani íshà we íe. Wervt shvla we tvrà taq rip nø tiqnøt tiq mòng wáshì lúnlv́m dvzaq shì ràì we íe.

Gvrayí nøng maq kaq svng èzíì we dvsháza shóngnøt rì kaq svng shvring shvtà ìwe taqsórí sakse wáshì lv́m wàì.