“Mongkà shølshú Svra,me la dvbùshang Sasvna wá mvyø’ lòng svng vrá àngshvr wáshì lvm rvt Svrabín Koqkvm Leo (XIV) nònggùn zi”
Latin American Mongkà shølshú svra,maq rìò (13)baq tiqdø vhø’m mv-ngushì we nvng, (10)ni Mongkà dvzv’ng zong taqø Svrabín Koqkvm Leo ínø lúm ra í rì nvng Bóy dvnúngò rì kaq svng dvbù shvwéshì Nøntní vtōò nø, shvngømré Dvrá shvngøt dvtú lòngò mvdøng nvng mvnggá íwe Nazareth myoqce pèo lvpat svng mvdøng ku dvdvm vjáng lvm rvt vlømshì dang.
Namaqí èshánøng we, shá v-du we Vkangpè Yesuò tvrà rì svng angdeò lvpat rì taq vrá tiqkvt àngshvr wáshì we í Vkangpè Yesu tvrà svng dvshvng we, dvbùshang Sasvna bvnlì wà lòng vháng vlúnlvm, tiqdvng vsvngrì kaq Gvray gvsang shóngshì dang, Kvmnønt Shvkse wáshì lúnlvm rvt shølshú wáshì lúnlvm, Sasvna bvnlìrì svng dvnúng lúnlvm rvt nònggùn zi dang svng dvtán bø’à.
Latin America shvra vrvm kèní Mongkà shvngøt shú Svra,maq rì mvdvmø tùbùm roqgār lvm rvt nvng Mongkà Svra,maq rìò jèjú kèní Latin America taq vl Sasvna me kaq dvbùshang Sasvna wàwe vjú zílúnlvm rvt SCALA svng 1995 nøng taqø Paqzi vde rì, Kàru shøp rì nvng ang mvdò svng vrvngshì yangì.
Dènøng July(7-11) høq wáshì we (Nyilakvn) lìpong me taqø
Brazil, Ecuador, Peru, Bolivia, Chile, Honduras, Uruguay, Venezuela, Costa Rica, Argentina, and Mexico rì taqkèní Paqzi vde rì lúm bø’ì nø, Svrabín Koqkvm Francis kèní pvngshì yangì we synod nvng sing we tvrà rì svng gø dakdvdvm lvm nvng mongkà Svra,maq rì dvpvt Kvmnønt Pvlàcè tvrà Paqzi nvng sing dang, dakdvdvm we nvng dvtú we tvràrì zí lúnlvm rvt vlømshì dang svng gø Vatican shvngkà dvp kèní dvtánòe.
