Shaqshaqwa v̀llv́m dvká:mò we
Yh 16:29-33
Dèni rø rvdu we Gvray dvbùshvng mòngkà taq Yesu Krístu nø Kàngpè Gvray yv́ngkèní rvgaq mvdàm svng dìráì we dang nvng shvngbe svng àngí sháò we dang coqcv́n rìí síngshá lv́m vtàn bǿà mèpvng àng coqcv́n rì gø kám bǿì we dang nvng àng maq nø vdè dè chø̀m svng vkangvm nø Yesu àng svng wa gur ráò we ínìgø Kàngpè Gvray nvng àngnø tiqdø vl longwe dang yv́nglún shìwe íe.
Wedøni coqcv́n rì svng gø rvgaq mvdàmø Yesu àngbø̀ng svng svkse wáshì long dvgvp yvklv́m shìwvtrì àngpv̀n pv̀n vhǿm shìlong nø wedø yvklv́m tvrà rì vdòng taq nøt dat nøt vtang lv́m mv-vl tiqgǿ nvng tiqgǿ tā-svng mv̀ng nònggùn vzíkenø døngmvn we cømsaq mòngzø̀l we tvrà svng zílún we Yesu Krístuò dvgùng gùngshv̀ng svng nøngmaq tiqgǿ vrv̀m nø lushàì we taqsórí cv́n dvgøm dvzaq shàì nø vnvpwe laqyàrì wáshàì we taqsórí vsvngrì kaq vjú zílún we vsv̀ng, vsvngrìò vlǿm rà, Yesu àng mèpvng cv́nlún we vsv̀ng bǿnlún lv́m dvzaq shìlv́m wàì.
