Syria móngdanò myoqdo Damascus wamà noqngøm tøngnø taq shíkàm bùm rvt vsvng 15 gø’ Shi bø’ì we

Syria móngdanò myoqdo Damascus wamà Dweila mvring Mar Elias noqngøm chømø Jun 22 yaq taq shíkàm bùm rvt vsvng 15 gø’ Shi bø’ì we svng lùngchùngyé shvngka taqkení shálún shìe.

2024 nøng December taq Islamic shølshú dvbūng mvdòrìí āna shin mvdò svng vtùò nø āna lúnbø’à mepvng Damascus taq nvmlvt bùm dvboò we dang íe. Shíkàm shìwe bùm dvboò we gø’ nø Islamic mvdò vsvng taqkení tiqgø’ íe, we dang Syria bìtéyé Wungyi dvp kení shálún shìe.

Angí noqngøm chøm vdùng rvm høq dinø bùm dvboò we dang svng Wungyi tānaq shvngka dvp kení dvshvng shaq íe.

Shvngka dvp mvdò bøng mvshønshì we roqgvl shvngka dvp kení shøn we nø lvngàré vní gø’í dvboò we dang shálún shìe.

Vmō móng lùngchùngyé (White Helmets) Shvwi vgvp we døn, døntám nvng noqngøm chøm vdùng taq gvyaq shì bø’ì shvngbe svng Syria vyetpet mvdò taqkení hàng dvtvn shaq íe.

Ānā dvle lvm dvpvt lvjáng shìwe rvtø taq āna shin Asset svng mvjàn shølshú Dvm mvdaq Amateurs a (အာမက်အယ်လ်ရှာရာ) í, ang døngjá vl vdùngø vsvng yúmrì kaq dvbvng mvkøm lvm íe wa nvnggùn zí kà shønshaq íe.