“Shànshér Pvlàcè Gvray lún v-du vrvm vrá lvm tvrà svng etá:nàsha “

Shànshér Pvlàcè Gvray làshì daqì bóy angni vsvng mvngpòng nvng Angelu vjúrøt we taq mvjvn rvt vbør vkvng bø’ì we vsvng mvdò rì dvhø lún v-du v-rvm vrá lvm tvrà dang, vrá tiqkvt mongzøl lvm lòng svng dvnúngà lvm rvt Shànshér Pvlàcè Gvray kaq røtnímshì bø’ì.

Vsvng mvngpòng nvng Angelu vjúrøt we taq Shànshér Pvlàcè Gvray nø mvjvn rvt vtøp v-na bø’ì we Mònggvn nvng nøngmaqò Nønt mvsøn rì svng mongzøl lòng dvtan lúnlvm kūnga vzàm vl dang nvng dvtut ” Mongzøl lòngò angkang Shànshér Pvlàcè Gvray kaq svng goì” shvngbe mvdvm Gvray mongzøl lòng laq vl. Mongzøl we shiqshan Nønt mvsøn shagóng ìshøt vtōshì leq lú:nøng. Mongzøl we Nønt mvsøn rì nø Døngku vdòng, àng mvdò vdòng, Móng lvmvng v-toq v-tìp tvrà vdòng taq Mongzøl lòng dvtit tvle ngòe, wā nø shøn bø’ì nø, Zuná:mì we Vkangpè Yesuò Pvlàcè nø mvjvn rì dvhø lún v-du we lún kvng v-rvm vrá lvm tvrà tá:nà we dang, Vmìng vkang vl rì kaq síngràl Nyan Bvnya zí nø vzø’ng lòng svng shvyúm laq lúnò, vhø’m mv-ngushì we tvrà rì mvdvmø èshølo wā vjúrøt bø’à.

Vnvmchvngmaq e Vkangpè Kristuò vlømshì lòng svng vsvng shvngbe kaq e ríà bø’nøng. Shànshér Pvlàcèo kūnga vzàm í nàmaqò Jubilee nøng svng àngshvr ewáshìnøng. Zvndvtut Svrabín Koqkvm Leo kèní Media kèní tiq dvtvng Vatican shvngkà mvtúrì svng tashì, shvngkà zi vsvngrì shvngbe svng gø oqā wadang dvmvn nø shøn bø’ì.