“Vatican Shvngkàdvp kèní dvtanò we Kachin Mongwál nvng Sikaídaí tìte we Shvngkà “

Myanmar móng tìpo tut vtì te we doniò angdvja dàm rvt Myanmar móngò vsvng pvn shvda tāsvng tālè tùbùm dvbvnglvm nvng singdø dvchv’n dvnv’n tùbùm dvbvnglvm rì rvmshi lvm vl dang Vatican Shvngkàdvp kèní dvtan bø’à.

Mvdøng nø Sikaídaí rvgaq nvng Kachin Mongwál taqø tiq Nár mvdvm shø’ gvzàzaq rvt tìce tìme rì tìtøng lòng nø mvjvn rvt yilshi v-du we mongzøngcerì dvpvt téwa dvsha mvhøt vhø’m lvm tiqlòng í a:mì.

Sikaídaí rvgaq taq nø march 28 ni taq wà bø’ì we Nvmnø dàm rvt vsvng mvmè shì we, vl lvm Chøm rì tin gvyaq we, Àng kíng ku í we vsvngrì vl lvm Chøm màdá we nvng vhø’m bø’à lòng íe. Móngdàn vrvm svng pvn tùbùm dvbvng mvdò rì kèní Myanmar móng taqø yvklvm vhø’mò we mongzøngcerì kaq svng muqhøm wáshì nø tùbùm dvbvngshìlvm rvt gø røtnímshì bø’ì.