Dønglù:ngí shvlut daq we
Yh 8:31-42
Dèni ò mòngkà taq Yesu Kristu taqkèní àng coqcv́n jø̀ngjǿng wáshì lv́m dang dvkv́m we íe. Yalòng dvbùshvng mòngkà taq Yuda vsvng rì àngmaq nø Abraham dvcì rì íwervt kadvgvp gø kagǿ vshuq gø mvwáshì dvr we svng yv́nglúnì e.
Ínìgø Yesuí àngmaq svng vtà:nò we taq “mvrà wàò dv́ngte shvngbe nø mvrà vshuq íe. Vrá vshuq nø tiq rvp vdòngø tiq dvciq v́l døng we mǿí, angcè mv̀ng nø dvciqciq v́l døng we íe” wanø̀ vtà:nòe.
Mvrà waò vsv̀ng nø mvràí vkang kéò vsvng ívmnø̀ wedø vkang kebǿò we mvrà kèní lutshì lúnlv́m dvpvt nø vdèò tiqgóng nøt mvsø̀n rì svng døngmvn we tvrà ku cúnshì lv́m dvkv́m we íe. Gvray àngò dvtú we dvrá rì svng cv́n dvgøm dvzaqshì ràwe íe.
Wedø døngmvn we tvrà kèní cúnshì we vsvng rì mvng nø shvlut jejú vtoshì lúnlv́m íwe dang dèniò mòngkà kèní dvkv́m we íe. Wervtnø̀ vdèò dòngnøt kèní nøt cun dvtøp shàì nø døngmvn we tvrà ku cúnshì lúnlv́m dvzaq shàì.
