Ang nø Meshia í ma!
Yh 7:1-2,10,25-30
Shóngshø̀ng we pè, mè, vnvm vchvng maq dèniò mòngkà taq Kristu nø Kàngpè Gvrayí dvzv́r lú:ngà we nvng tuq ráì we dang tálúnì we íe. Àngnø àngnøt kèní wa tuq ráì we mǿí Kàngpè Gvrayí dvzv́r lúngà wervt tuq ráì we dang vsvng rì kaq shǿn vtàn ráà we íe.
Wedø Kàngpè Gvray yv́ng kèní tuqráì wedang pàwálv́m vtán vdue má wani vsvngrì taqkèní Yesu Kristu kaq svng mvsháò, mvdàm rvm ku cèwa sháò we rvt àng taqkèní vtán vdu we gø íe. Wedø ni tiqkvt kvt nøng maq dvhø̀ taqgø wedø íwe tvrà rì bǿn sháì we íe.
Vsvngrì dvhø tasvng vzø̀m vzvp vtoq vtip we ínìgø chvpdvp tøp tøp wa mvshá kéì we gvzà vl we íe. Vsvng wawe nø vdèò vneí èyv̀ngò dø tiqdv́ng vsvngrì kaq kàngngé kewe gø íe. Tiqgǿ nvng tiqgǿ tvsvng vtù kenø shvyǿm kèwe, vyit kewe wáshìe.
Wedøni Yesu Kristu kaq svng gø vsvngrì taqkèní sháò wedø lánshì ínìgø chvpdvp taqnø àngò lvpat tvrà svng kagø ígø tøp tøp wa síng sháò we mv-vl. Mvdàm rvm ku cèwa yv̀ngnø kà:ngye ò we íe.
Shvngkà ta shàì we nøngmaq tiqgǿ vrv̀m gø Gvray àngnvng vzømì nø àngò ngór dvgùng rì svng shvring shvtaì taqsórí Gvray àng kaq svng noqngø̀m we tvrà taq dvzaq shìlv́m wàì.
