Àngde nønt vdòng yv’ngø vl lòng svng vsvngrì ínø, shø’n sháìe.
Mvdv̀m kèní dì daqì pè Ang nø, shvngbe mvdv̀mø ringe. Rvgaq kèní í pè ang nø, rvgaqò pv̀n í nø, rvgaq dang wa shø̀ne. Muqlàng kèní dì daqì pè Ang mv̀ng nø, vsvng shvngbe mvdv̀mø ringe. A:ngí vyv́ngshaq vtáshaq rì shø̀:nò nìgø, A:ngí shø̀:nò kà svng kagǿí gø màtōò.
Iwe A:ngí shø̀:nò kà svng vtoò gǿí nø, Gvray nø dìnge, wa lòng svng shálv́m zangkwè gā:pmò we íe. Gvrayí dvzv́r daqà pè svng nø Shànshér Pvlàcè dv̀n vlim dø vzíshaq í rvt A:ngí nø Gvray kàrì shø̀:nòe. Angpèí nø Angcè pè svng shù:ngò rvtnø, vl dv́ngte nø Ang wur taq vzíshaq íe. a36 Angcè pè svng kv́m gǿ nø dvciq lvpat gø̀nshaq lúne; Angcè pè svng mvkv́m gǿí mv̀ng nø, gø̀nshaq yv́ng mvlú:nò. Gvray shv̀mná høpnøt nø ang mvdv̀mø vhap dv̀ng wae,” a:lòe.
Vpø’ íwe pèmè vnvmchvngmaq,
Nē wàwe nø vdòng Nøntnò Jémòng wànø gø shønòe. Vsvng tiqgø’o Nønt mvsøn vdòng taq Kà taè, Kà mvta, Vya lòng, Shø’m lòng, vrá mv’ngsher lòng nø Nē chvng taqø dvtanòe, wàe. Nē nø vdòng Nøntnò Jémòng wā tø’shì nìnø, Nø’ nø vsvng tiqgø’ò bø’nbung lòng svng rvwvnàe, wàe.
Àngde nønt vdòng yv’ngø vl lòng svng vsvngrì ínø, shø’n sháìe. Vmlvm aqlvm taq Nønt lúm gø’ í nø vmlvm aqlvm dang, Game dang nønt lúm rì nø game dang, Monglvmvng dang taq Nønt lúm rì nø monglvmvng dang vkvtdø shø’nìe. Vsvng tiqgø’ nø ang kalòng svng téwa shøne walòng svng yv’ng nø ang Kagø’ íe walòng svng dak lúnshìe.
Pàwàlvm wàni Vkangpè Yesu ígø, Rvgaqtøm kèní bø’nbung vsvng ínø, rvgaqtømò tvrà rì svng wā téwa dvshvng lú:ngòe wā dvkv’m nø shø’n yangì lòng svng vkvtdø yv’nglúnshìe. Shálún shìe. Nøngmaq shvngbe gø rvgaqtøm kèní bø’nbungì vsvng rì í sha lòng dìnge. Gvray gvsangí, ang shóngnøntní èpvn èmvn yangsha. Wervt nø Gvray gvsang nvng sing we tvrà rì, shvlá we tvrà rì, Ring vtv’ng vpø’ vtv’ng tvrà rì svng v-toq v-tìp dvman taqsórí téwa shø’n ra, dvshvng ra we íe. Yalòng nø Gvray shú:ngwá:mshì lòng gø íe, walòng svng gø yv’nglúnshìe. Dvdvm shvlàe.
Angpèí nø Angcè pè svng shù:ngò rvtnø, vl dv́ngte shvngbe nø Ang wur taq vzíshaq íe. Angcè pè svng kv́m gǿ nø dvciq lvpat gø̀nshaq lúne; Angcè pè svng mvkv́m gǿí mv̀ng nø, gø̀nshaq yv́ng mvlú:nò. Gvray shv̀mná høpnøt nø ang mvdv̀mø vhap dv̀ng wae,” wā Gvray dvkv’mè.
Wervt Vpø’ íwe pèmè vnvmchvngmaq dvciq lvpat gønshaq Gvray mongzøl lòng vtoshì lúnlvm dvpvt Vkangpè Yesu shvngøt dvtú we shóngnønt Dvrá vdòng taq cúnshì nø, øpshì nø mvngsher dø cúnshì we í Gvray dvgùng shvring shvta laqlúni. Rvgaqtømò Gá lòng wáshì laqlúni wvng nònggùn zí nø dvshat mvyøngè. Shvngbeí Vpè, Angcè pè, Shànshér Pvlàcè Gvray Mongzøl lòng vtōshì laqlúnì. Shvngbe svng oqā.Mvdv̀m kèní dì daqì pè Ang nø, shvngbe mvdv̀mø ringe. Rvgaq kèní í pè ang nø, rvgaqò pv̀n í nø, rvgaq dang wa shø̀ne. Muqlàng kèní dì daqì pè Ang mv̀ng nø, vsvng shvngbe mvdv̀mø ringe. x 32 A:ngí vyv́ngshaq vtáshaq rì shø̀:nò nìgø, A:ngí shø̀:nò kà svng kagǿí gø màtōò.
33 Iwe A:ngí shø̀:nò kà svng vtoò gǿí nø, Gvray nø dìnge, wa lòng svng shálv́m zangkwè gā:pmò we íe. 34 Gvrayí dvzv́r daqà pè svng nø Shànshér Pvlàcè dv̀n vlim dø vzíshaq í rvt A:ngí nø Gvray kàrì shø̀:nòe. z
35 Angpèí nø Angcè pè svng shù:ngò rvtnø, vl dv́ngte nø Ang wur taq vzíshaq íe. a36 Angcè pè svng kv́m gǿ nø dvciq lvpat gø̀nshaq lúne; Angcè pè svng mvkv́m gǿí mv̀ng nø, gø̀nshaq yv́ng mvlú:nò. Gvray shv̀mná høpnøt nø ang mvdv̀mø vhap dv̀ng wae,” a:lòe.
Vpø’ íwe pèmè vnvmchvngmaq,
Nē wàwe nø vdòng Nøntnò Jémòng wànø gø shønòe. Vsvng tiqgø’o Nønt mvsøn vdòng taq Kà taè, Kà mvta, Vya lòng, Shø’m lòng, vrá mv’ngsher lòng nø Nē chvng taqø dvtanòe, wàe. Nē nø vdòng Nøntnò Jémòng wā tø’shì nìnø, Nø’ nø vsvng tiqgø’ò bø’nbung lòng svng rvwvnàe, wàe.
Àngde nønt vdòng yv’ngø vl lòng svng vsvngrì ínø, shø’n sháìe. Vmlvm aqlvm taq Nønt lúm gø’ í nø vmlvm aqlvm dang, Game dang nønt lúm rì nø game dang, Monglvmvng dang taq Nønt lúm rì nø monglvmvng dang vkvtdø shø’nìe. Vsvng tiqgø’ nø ang kalòng svng téwa shøne walòng svng yv’ng nø ang Kagø’ íe walòng svng dak lúnshìe.
Pàwàlvm wàni Vkangpè Yesu ígø, Rvgaqtøm kèní bø’nbung vsvng ínø, rvgaqtømò tvrà rì svng wā téwa dvshvng lú:ngòe wā dvkv’m nø shø’n yangì lòng svng vkvtdø yv’nglúnshìe. Shálún shìe. Nøngmaq shvngbe gø rvgaqtøm kèní bø’nbungì vsvng rì í sha lòng dìnge. Gvray gvsangí, ang shóngnøntní èpvn èmvn yangsha. Wervt nø Gvray gvsang nvng sing we tvrà rì, shvlá we tvrà rì, Ring vtv’ng vpø’ vtv’ng tvrà rì svng v-toq v-tìp dvman taqsórí téwa shø’n ra, dvshvng ra we íe. Yalòng nø Gvray shú:ngwá:mshì lòng gø íe, walòng svng gø yv’nglúnshìe. Dvdvm shvlàe.
Angpèí nø Angcè pè svng shù:ngò rvtnø, vl dv́ngte shvngbe nø Ang wur taq vzíshaq íe. Angcè pè svng kv́m gǿ nø dvciq lvpat gø̀nshaq lúne; Angcè pè svng mvkv́m gǿí mv̀ng nø, gø̀nshaq yv́ng mvlú:nò. Gvray shv̀mná høpnøt nø ang mvdv̀mø vhap dv̀ng wae,” wā Gvray dvkv’mè.
Wervt Vpø’ íwe pèmè vnvmchvngmaq dvciq lvpat gønshaq Gvray mongzøl lòng vtoshì lúnlvm dvpvt Vkangpè Yesu shvngøt dvtú we shóngnønt Dvrá vdòng taq cúnshì nø, øpshì nø mvngsher dø cúnshì we í Gvray dvgùng shvring shvta laqlúni. Rvgaqtømò Gá lòng wáshì laqlúni wvng nònggùn zí nø dvshat mvyøngè. Shvngbeí Vpè, Angcè pè, Shànshér Pvlàcè Gvray Mongzøl lòng vtōshì laqlúnì. Shvngbe svng oqā.
