Siro Fonesia mè angcèmè dvbā:nò we( Marko 7:24-30 )

Yesu nø wyv́ng kèní búngá:mì nø, Tiru nvng Sidon rvgaq dvrøt svng dì:ámì. Ang nø chøm tiqchø svng gòngá:mì nø kagǿí gø laq mvsháò, wa dvdā:mò we í n[gø, Vsvngí mvsháò dø angí máshì mvlú:nò.

Yesu wèyvng tuq weó, angcemè taq mvmvng cáng zv́ngshì we svmaré tiqmè í Yesu sgvngka tá bǿà chàng dì ráì nø anghí shvnvng k’ngkupshìe. Svmaré yamè nø Siria móng Fonesia wamā kèní Heleni vsvng í we,Yesuí angcèmè kèní cáng lúngalv́m yesu svng røt mvnshìe. Iwe Yesuí ang svng, ” Cvmrérì v́mpà lú dv̀ng vgirì svng dvgupma màdu, cvmrécè rì vzv̀ng laq vgàvm,” a:lòe.

Wemè í yesu svng, ” inø íè, Vkangpèa; v́m shvbóy lvngpvng vl we vgirì í gø cvmrérì í dvjá daqò we v́mpàshi rì nø lvtǿá:mò ni,” wa vtá:nòe. Wervt Yesuí ang svng, ” Nàí yadø vtánshì èsháò rvt , èlov̄m, cáng nø nvcèmè góng kèní lúshìá:mì,” a:lòe.

Weme angchøm svng loá:mì ninø, cáng gø lúshì dá:rì nø, angcèmè gø yøprà mvdv̀m vyálshì da we svng a:ngí yv̀ng bǿà.