Chø̀myo vjø̀ngmè Mari Yesu Cv̀mré góng svng vtoshì we
Nv̀mlvt 3:9-15,20
Efesus 1:3-6, 11-12
Ya lvbán vdòng taqnø Catholic shvngø̀mré vdòng Mvrà shèrwe chø̀myo vjø̀ngmè Mari Yesu cv̀mré góng svng vtoshì we bóy svng màná dø̀mrø ku wáshì we lvbán gø íe. Nv̀mlvt nv̀mpv́ng kèní Mari svng mvrà shèr we svmaré, jejú ìshøt rì vtoshì lún nø shv̀nshv́r pvlàcè Gvray jejú kèní Yesu cvmré góng vtoshì we, Kàngpè Yesu svng shøq bǿà we høqshaq àngnø chø̀myo vjø̀ng tiqgǿ ni íe wawe svng Pope Pius IX taqkèní 8.12.1854 ni taq vrìng ráà we íe.
Mari Jejú ìshøtrì nvng dv̀n zø̀ngwe Gvray àngmè íwervt Catholic shvngø̀mré vdòng taq àngsvng tiqnv̀mshá dvgùng shvringwe wáshì wegø íe. Yesu àngmè Mari kaq svng Gvray shvrà taq noq kv́mwe møí. Edin cún taq Ewa nø Gvray gvsang tuq ráì wekvt svrenøtí máshìe, Gvray àng mv́r svng àng dvjaq mvkvmshì, Gvray kàshaq svng tá mvkvmshì, Adam nvng Ewa àngní shòní gǿí Gvray dvkv́m kàsvng vléò we mvrà rvt máshì we svng nøngmaq shvngbeí tálúnìe.
Adam nvng Ewa àngní nø ngàshàpè ò dvløt gvzàmwe mvrà dǿng svng vjá yv̀ngì. Nøngmaq tiqgǿ vrv̀m gø Gvray àngnvng vzø̀m we tvrà taq mvdìì we, vjúrøt mvwá shàì we, mvrà rì svng wá vléì we tvrà nø ngàshàpè ò se leòwe vdòng svng gòngì we íe. Yalòng svng mvsíng sháì we ínìnø Gvray nvng vsvr lú:ngì nø jejú ìshøt rì nvng gø vsvr bǿìe.
Mari nø mvrà shèr we rvt muqlàng dvzv́r rì nvng vtoq vtip lúnwe nvng Gvray nvng gø vzø̀m vzvp lúnwe dang svng yv́nglúnì we íe. Adam, Ewa nvng Mari kadø shv̀shér we tvrà taq vsháy we dang mòngkà rì taqkèní nøngmaq shvngbeí shálúnì we írvt Mari àng kadø lapat tvrà taq cúnshì ráì we tvrà svng cvnshàì nø cvn dvgøm dvzaq shàì.
