Filipmí Nataniel svng lá lún bǿà we
Kristu vdòng taq Vpø’ íwe pèmè vnvmchvngmaq, Shvngbe svng pamvra wànge. Deni nø (Aug-24-26) ni svng gòngráshà. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø —
Batolome wawe bøng svng Mati dvbùshvng mòngkà, Marko dvbùshvng nvng Marko dvbùshvng mòngkà taq yvnglúnshìe. Deni Yohan dvbùshvng mòngkà taq nø Batolome wawe bøng svng mvyvngshì nø Nathaniel wa bøng mvngle yvnglúnshìe. Nathaniel nvng Batolome nø dvgá vsvng mví. Vsvng tiqgø’ wa íe wanø mòngkà taqkení shálúnshìe. Kàngpè Yesuí nø Nathaniel svng vzvnh kení sháòe.
Filipmí nà svng shini mègo dvgvp, nv̀mgwè tø̀ng lv̀ngpvngø nà èvl dvgvp ni, Ngàí nà svng yv̀ng bǿngà,” a:lòe. Nazaret mvrìng kèní nø shvla we kapv̀n bung long ni ma?wa dø tiq dvchá nøngmaq gø shvla we kapvn vl rvt Gvrayí egoshàmá? dvdvmlvm waì. Nøngmaq rvgaq vsvngrì nø mbrà vlrì íshàe, shvla rvt kømzøp evy Gvrayí gowe mví. Té kømgøm kømzøplvm rvt Gvrayí egoshà we íe. Deni mòngkà taqkení nøngmaq shvngbe svng Gvray nvng tiqdø vl lvm rvt Gvrayí egoshàe.
