Namaq svng nàtōnøng gǿ a:ngí nø, Ngà svng nàtòng we íe.

Shvngbe svng pamvra deni Gvrayí ziwe rvtø shvla vdùng taqø dvdvm vjvng nø Pvlacè nvnggùn lushìlvm Gvray mòngkà

Deni mòngkà taq Kàngpè Yesuí Gvray móngdànò chøm døngku dang dvtvn bø’à we svng yvnglúnshìe. Rvgaq tø̀m taq vl chøm døngkurì nø gv̀ng vkàng vmánglvm ídaqe. Gvray móngdànò chøm mang nø Dvciq ciq ngàngdønge wa shvngøtne.

Wedøni rvcángcé lvpat taq vhø’m døngkurì mvdvmø térvnaq we dang vle wanø kv’m lvm dvdvm vjvng dvzvre. Gvray nø nøngmaq shvngbeò vpè íāshà dø tiqdvchá nøngmaq shvngbe nø angnvm angchvngrì íshàe. Gvray ang tiqgø’ svng wa kv’mì we írvt kv’m nøt tiq lùng taqkení vrvm vrá we tiqrvp vsvngrì wa íshàe.